અરે બાપ રે… માથાથી કમર સુધીના વાળ સાથે થયો અનોખા બાળકનો જન્મ- ડોક્ટર સહીત સૌ કોઈ ચોંકી ઉઠ્યા

ઉત્તર પ્રદેશ(Uttar Pradesh)ના હરદોઈ(Hardoi) જિલ્લાના સામુદાયિક આરોગ્ય કેન્દ્ર (CHC)માં એક મહિલાએ વિચિત્ર બાળકને જન્મ આપ્યો છે. સરકારી હોસ્પિટલના તબીબો અને નવજાત શિશુના સંબંધીઓ તેને જોઈને આશ્ચર્યચકિત થઈ ગયા છે. નવજાત શિશુના માથાથી કમર સુધી પાછળની બાજુએ કાળા વાળ ઉગેલા જોવા મળે છે. તબીબોના જણાવ્યા અનુસાર નવજાત બાળકને જાયન્ટ કોનજેનિટલ મેલાનોસાયટીક નેવુસ(Giant congenital melanocytic nevus) નામની બીમારી છે.

જાયન્ટ કોન્જેનિટલ મેલાનોસાયટીક નેવુસ નામના રોગને કારણે તેના માથાથી કમર સુધી વાળ ઉગેલા જોવા મળે છે. વિચિત્ર બાળકના જન્મની માહિતી મળતાં જ રાષ્ટ્રીય બાળ સ્વાસ્થ્ય ગેરંટી કાર્યક્રમની ટીમ સામુદાયિક આરોગ્ય કેન્દ્ર પહોંચી અને બાળકની બિમારીની તપાસ કર્યા બાદ બાળકને સારવાર માટે લખનઉ મોકલવાની કવાયત શરૂ કરી.

શાહબાદ ડેવલપમેન્ટ બ્લોકના નાઉ નંગલા ગામની એક મહિલાને લેબર પેઈન બાદ હરદોઈના બાવન હેલ્થ સેન્ટરમાં દાખલ કરવામાં આવી હતી, જ્યાં તેણે એક વિચિત્ર બાળકને જન્મ આપ્યો હતો. નવજાત બાળકનો જન્મ થતાની સાથે જ તેના શરીરના 60 ટકા ભાગ પર કાળાશ જોવા મળી હતી અને તે બાળકના માથાથી કમર સુધી વાળ ઉગેલા હતા.