શું ફિલ્મ ‘પઠાણ’ રીલીઝ જ નહી થાય? સેન્સર બોર્ડના સુત્રોએ કર્યો મોટો ધડાકો

મનોરંજન(Entertainment): વર્ષ 2023માં આવનારી ફિલ્મ પઠાણ(Pathaan)ને લઈને ઘણો હોબાળો થઈ રહ્યો છે. શાહરૂખ ખાન(Shah Rukh Khan) અને દીપિકા પાદુકોણ(Deepika Padukone)ની બહુપ્રતિક્ષિત ફિલ્મ પઠાણના પહેલા ગીત ‘બેશરમ રંગ’ પર લોકોનો ગુસ્સો ફાટી નીકળ્યો હતો. દીપિકા પાદુકોણની ‘કેસરી બિકીની’ને લઈને ઘણું રાજકારણ થયું હતું. ફિલ્મ પર પ્રતિબંધ મૂકવાની પણ માંગ કરવામાં આવી હતી. આ સમગ્ર વિવાદ વચ્ચે એક નવું અપડેટ સામે આવ્યું છે. સેન્સર બોર્ડ(Sensor board)ના સૂત્રોના જણાવ્યા અનુસાર મેકર્સે ફિલ્મમાં ઘણા ફેરફાર કરવા પડશે.

ફિલ્મ ‘પઠાણ’માં થશે ફેરફાર ?
સેન્સર બોર્ડના સૂત્રોના જણાવ્યા અનુસાર, ફિલ્મ પઠાણ તાજેતરમાં CBFC એક્ઝામિનેશન કમિટી પાસે પ્રમાણપત્ર માટે ગઈ હતી. સીબીએફસીની માર્ગદર્શિકા અનુસાર ફિલ્મને નજીકથી જોવામાં આવી હતી. કમિટીએ મેકર્સને ફિલ્મમાં કેટલાક ફેરફાર કરવાની સલાહ આપી છે. આ ફેરફારો ફિલ્મના ગીતો વિશે પણ છે. સમિતિએ પઠાણને તેની થિયેટર રિલીઝ પહેલાં સુધારેલી આવૃત્તિ સબમિટ કરવાનો આદેશ આપ્યો છે.

એજન્સી અનુસાર, CBFC સ્ત્રોત કહે છે કે “સેન્સર બોર્ડ હંમેશા સર્જનાત્મક અભિવ્યક્તિ અને લોકોની સંવેદનશીલતા વચ્ચે યોગ્ય સંતુલન જાળવી રાખે છે.” અમારું માનવું છે કે પરસ્પર વાતચીત દ્વારા તમામ મુદ્દાઓનો ઉકેલ શોધી શકાય છે. જ્યાં સુધી સૂચિત ફેરફારો ન થાય ત્યાં સુધી, હું જણાવવા માંગુ છું કે આપણી સંસ્કૃતિ અને માન્યતાઓ ભવ્ય, જટિલ અને સૂક્ષ્મ છે.

“આપણે ધ્યાન આપવું પડશે કે તેને કોઈપણ કિસ્સા દ્વારા વ્યાખ્યાયિત ન કરવી જોઈએ. જે સત્ય અને વાસ્તવિકતા પરથી ધ્યાન હટાવે છે. મેં અગાઉ કહ્યું તેમ સર્જકો અને પ્રેક્ષકો વચ્ચે વિશ્વાસ જાળવવો ખૂબ જ જરૂરી છે. સર્જકોએ આ દિશામાં કામ કરવું જોઈએ.