ધન્ય છે આ જવાનને… જેણે પોતાનો જીવ જોખમમાં મૂકી તિરંગાને સળગતા બચાવ્યો- વિડીયો જોઈ બેઠા થઇ જશે રુવાડા

ફાયરમેનની ‘બહાદુરી’ નો વિડીયો સોશિયલ મીડિયા (Social media) પર ખુબ જ વાયરલ(Viral video) થઇ રહ્યો છે. વિડીયોમાં તે ફાયરમેન તિરંગાને આગની વચ્ચે સળગતા બચાવતા (Fireman Save National Flag From Burning Building In Haryana) જોવા મળે છે. વિડીયો હરિયાણા (Haryana)ના પાણીપત(Panipat)નો છે. ખરેખર, પાણીપતના એક ગોડાઉનમાં આગ લાગી હતી. ગોડાઉનની છત પર પણ તિરંગો ફરકી રહ્યો હતો. તે તિરંગાને આગમાં સળગતા બચાવવા માટે તે ફાયરમેન છત પર ચઢી ગયા હતા.

આગની માહિતી મળતા જ ફાયર બ્રિગેડની ગાડી ઘટનાસ્થળે પહોંચી ગઈ હતી અને આગ પર કાબુ મેળવવાના પ્રયાસો હાથ ધરાયા હતા. આ દરમિયાન ફાયરમેન સુનિલ મેહલાની નજર ગોડાઉનની છત પર લાગેલા તિરંગા પર પડી હતી. અને તિરંગાને સળગતા બચાવવા માટે તે છત પર ચડી ગયા હતા.

ગોડાઉનમાં આગ લાગવાની ઘટના 17 જાન્યુઆરી મંગળવારની છે. તિરંગાને સળગતા બચાવનાર ફાયરમેન સુનીલ મેહલાએ જણાવ્યું કે, તરત જ તેની નજર તિરંગા પર પડી. તે ઝડપથી ફાયરની ગાડી પર ચડી ગયા અને તિરંગાને નીચે ઉતારી લીધો હતો.