ભગવાન શિવનું આ પ્રિય ફળ સ્વાસ્થ્ય માટે છે ખુબ જ ફાયદાકારક; કિડની, લીવર સહીતના રોગો માટે છે રામબાણ ઈલાજ

Bael Beniffits: ગરમીથી બચવા તમે ઘણા ફ્રૂટ્સને પોતાના ડાયટમાં એડ કરો છો પણ શું તમને ખબર છે કે શિવજીનું પ્રિય ફળ બીલીપત્રના બીલ પણ ગરમીથી રાહત આપે છે. જો ગરમીની સીઝીનમાં તમારા ડાયટમાં બીલ એડ કરશો તો ચોક્કસ તમારા સ્વાસ્થ્યમાં(Bael Beniffits) ફાયદો થશે. કારણ કે બીલના ફળમાં બીટા કેરોટીન જોવા મળે છે, જે લીવર માટે ફાયદાકારક છે . આ સિવાય આ ફળમાં અન્ય જરૂરી તત્વ થાઈમીન અને રિબોફ્લેવિન હોય છે, જે લીવર સંબંધિત સમસ્યાઓથી રાહત અપાવવામાં અસરકારક છે.

બીલ સ્વાસ્થ્ય માટે ખૂબ જ ફાયદાકારક માનવામાં આવે છે. તે કેલ્શિયમ, ફાઈબર અને વિટામિન સી જેવા પોષક તત્વોથી ભરપૂર હોય છે, જે શરીરની ઘણી સમસ્યાઓને દૂર કરવામાં મદદરૂપ થાય છે. ઉનાળામાં દરરોજ તેનું સેવન કરવાથી પેટ સંબંધિત સમસ્યાઓમાં રાહત મળે છે. તે સ્વાસ્થ્ય માટે ખૂબ જ ફાયદાકારક માનવામાં આવે છે. તેનું સેવન કરવાથી તમે આ ઋતુમાં થતી ઘણી સમસ્યાઓથી બચી શકો છો.

આ ફળ હિંદુઓ માટે પણ ખૂબ જ પવિત્ર માનવામાં આવે છે. એવું માનવામાં આવે છે કે ભગવાન શંકરને બિલનો રસ અને બીલપત્ર ખૂબ જ પસંદ છે. આ ફળમાં ફાઈબર, વિટામિન અને અન્ય તમામ પોષક તત્વો હોય છે, જે માનવ શરીર માટે પણ જરૂરી છે. તો ચાલો જાણીએ બીલના ફળ ખાવાથી શું ફાયદા થાય છે.

કબજિયાત દૂર કરવામાં મદદરૂપ
આયુર્વેદિક ડૉક્ટર ડૉ. વિનયે જણાવ્યું કે બીલના ફળમાં ફાઈબર ભરપૂર માત્રામાં જોવા મળે છે, જે કબજિયાત અને ઝાડા જેવી સમસ્યાઓથી રાહત અપાવવામાં મદદ કરે છે. આ માટે, ઉનાળાની ઋતુમાં, તમે નિયમિતપણે મીઠું અને કાળા મરી સાથે બીલના રસનું સેવન કરી શકો છો. જે પેટ સંબંધિત સમસ્યાઓને કુદરતી રીતે દૂર કરવામાં મદદરૂપ છે.