અમદાવાદમાં મોડી રાતે હિટ એન્ડ રન: પૈસાદાર યુવકોની કાર રેસમાં ફૂટપાથ પર રહેતી શ્રમજીવી મહિલા કચડાઈ, 3 બાળકો સહિત 4 ઘાયલ

અમદાવાદના શિવરંજની ચાર રસ્તા પાસે ગઈકાલે મોડી રાત્રે એક કાર ફૂટપાથ પર સૂતેલા લોકો પર જઈ ચડી હતી, જેમાં એક મહિલાનું ઘટનાસ્થળે જ મોત થયું છે, જ્યારે અન્ય 4 લોકો ગંભીર ઈજા થઇ છે. ઈજાગ્રસ્ત લીકોને સારવાર માટે હોસ્પિટલમાં ખસેડાયા છે.

ઘટના બાદ કારચાલકની સાથે સાથે અન્ય 4 લોકો પણ ઘટનાસ્થળેથી ભાગી ગયા હતા. જ્યારે ઘટનાની જાણ થતાં પોલીસકાફલો ઘટનાસ્થળે પહોંચી આવ્યો હતો. i20 કાર મીઠાખળીના શૈલેશ શાહ નામની વ્યક્તિની છે તેમજ કાર પર 9 ઈ-મેમો ભરવાના બાકી છે. અકસ્માતમાં ઈજાગ્રસ્ત થયેલા લોકોમાં બાબુભાઇ, જેતન, સુરેખા અને વિક્રમ છે. ઈજાગ્રસ્ત થયેલા લોકોમાં 3 તો બાળકો છે.

મળતી માહિતી અનુસાર, અમદાવાદમાં શિવરંજની ચાર રસ્તા પાસે આવેલા બીમાનગર નજીક ફૂટપાથ પર મોડી રાત્રે લોકો સૂઈ રહ્યા હતા.  મોડી રાત્રે કાળ બનીને આવેલી i20 કાર આ લોકો પરથી ચાલી ગઈ હતી. માસૂમ લોકો જીવન-મરણ વચ્ચે ઝૂલી રહ્યા છે. અન્ય લોકો માટે જમવાનું બનાવી રહેલી સંતુબેન નામની એક મહિલાને કારે કચડી મારતાં તેમનું મોત નીપજ્યું છે, જ્યારે ચાર લોકો ગંભીર રીતે ઇજાગ્રસ્ત થયા હતા. ઈજાગ્રસ્ત લોકોને સારવાર માટે હોસ્પિટલમાં ખસેડવામાં આવ્યા છે.

અકસ્માતમાં ઈજાગ્રસ્ત થયેલા લોકો:
બાબુભાઈ, જેતન (બાળક), સુરેખા (બાળક), વિક્રમ (બાળક)

સૂત્રો દ્રારા જાણવા મળ્યું છે કે, કારમાં એ સમયે ચાર લોકો બેઠા હતા, જ્યારે બીજી એક કાર પણ ત્યાંથી પસાર થઇ રહી હતી. જોતા એવું લાગતું હતું કે, બંને કાર વચ્ચે રેસ લાગી હોય. એ સમય એક કાર ફૂટપાથ પર ફરી વળી અને ત્યાં સૂતેલા લોકો પેથી ચાલી ગઈ હતી.

સમગ્ર બનાવમાં મોડી રાત્રે ઉચ્ચ અધિકારીઓ સહિતનો પોલીસકાફલો ઘટના સ્થળે પહોંચી ગયો હતો. આ બનાવમાં સામેલ કારચાલક કોણ હતા તેમને શોધવા પોલીસ પ્રયાસ કરી રહી છે.

નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news
અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો. 

Leave a Reply

Your email address will not be published. Required fields are marked *