સેનિટાઈઝર લગાવીને તવા પરથી પરાઠા લેતાં લાગી ભીષણ આગ -7 વર્ષીય બાળકી સહિત આટલા લોકોના થયા મોત 

હાલમાં એક ઘટનાનાં સમાચાર સામે આવી રહ્યાં છે. સેનિટાઈઝર કર્યા પછી આગ પાસે ન જવાની વાત તો ઘણીવાર સાંભળવામાં આવી હશે પરંતુ તેનાથી દુર્ઘટના સર્જાઈ હોય તેમજ કુલ 3 લોકોએ પોતાના જીવ ગુમાવ્યા હોય તેવી ઘટના ઈન્દોરમાં સામે આવી રહી છે.

પતિ હાથમાં સેનિટાઈઝર કર્યા બાદ તરત તવા પર રહેલું પરાઠું લેવા ગયો ત્યારે આગ લાગી હતી. આ આગને બાજુમાં ઉભેલી પત્ની બુઝાવવા માટે ગઈ તો તેની સાડીમાં પણ આગ લાગી હોવાંથી બૂમાબૂમ કરતા બાજુમાં રહેલ 7 વર્ષની ભાણકી ડરીને તેને ભેટી પડી તો તેનું પણ મોત નીપજ્યું હતું.

મૃતકના દીકરા રાહુલ વર્માના જણાવ્યા પ્રમાણે ઘરમાં તેમની માતા મીના વર્મા જમવાનું બનાવી રહી હતી. 7 વર્ષીય ભાણકી રિદ્ધીકા વર્મા તેની પાસે બેઠી હતી. તેના 45 વર્ષીય પિતા રાજુ ફકીરચંદ વર્મા પણ રસોડામાં હતા. આ સમયે તેના પિતાએ હાથમાં સેનિટાઈઝર લગાવીને તવા પર રહેલ પરાઠું લીધું હતું.

સેનિટાઈઝરને લીધે હાથમાં આગ લાગી ગઈ હતી. આગ બુઝાવવાના પ્રયત્ન કરવામાં નિચે રહેલ કેરોસીનનું કેન ઢોળાઈ જતાં આગ વધારે ભભૂકી ઊઠી હતી. નાની મીના વર્માને બૂમાબુમ કરી જોઇને ભાણકી તેમને ભેટી પડી તો તે પણ દાઝી ગઈ હતી. રાહુલે જણાવ્યું કે, તેની બહેન તેમજ બનેવી લગ્નમાં બહાર ગયા હતા. રિદ્ધિકાનો 5 વર્ષીય ભાઈ પણ ઘરમાં હાજર હતો પરંતુ તેનો બચાવ થયો હતો.