લોકડાઉનમાં અનિંદ્રાની સમસ્યા હોય તો જરૂર અજમાવો આ ઉપાયો

કોરોના વાયરસના સંક્રમણને નાથવા માટે લોક ડાઉન અનિવાર્ય નિર્ણય હોવાથી કરોડો દેશવાસીઓ તેનું પાલન કરી રહયા છે. લોકડાઉનના અમલની સાથે ઘરે રહો અને સલામત રહોનું સૂત્ર ચાલી રહ્યું છે. આ તો અનિવાર્ય સંજોગો છે બાકી સળંગ દિવસો સુઘી ઘરમાં કે સોસાયટીમાં જ પુરાયેલા રહેવું એ ખરેખર ઘણું અઘરુંકામ છે. લોકડાઉન કોઇ ચોકકસ દિવસો પુરતું હોય છે પરંતુ તેની અવધી પુરી થવા આવે તે પહેલા જ તેને લંબાવી દેવાની સરકારને ફરજ પડે છે.

કોરોના વાયરસના સંક્રમણના કારણે સતત ત્રણ વખત લોક ડાઉન લંબાવવામાં આવ્યું છે આથી 3 મે પછી વધુ બે અઠવાડિયા સુધી પાલન કરવું પડશે. એમાં પણ કોરોના વાયરસના સંક્રમણની દ્વષ્ટીએ જેમનો રેડ અને ઓરેન્જ ઝોનમાં સમાવેશ થાય છે તેમને સાવ આંશિક છુટ મળવાની છે. લોકડાઉનનો ગાળો લાંબો થઇ રહયો છે આથી તેની અસર દૈનિક પ્રવૃતિ અને શરીર અને મન પર થવી સ્વભાવિક રીતે થાય છે.

લોકડાઉન દરમિયાન ઘણા લોકોને મોડા સમય સુધી ઉંઘ નહી આવવાની સમસ્યાથી પીડાતા હોય છે. મોબાઇલનો વધુ વપરાશ તથા ટીવી મોડી રાત સુધી જોવાથી ઉંઘ પર વિપરિત અસર થાય છે. લોકડાઉન પછી બિઝનેસ કે નોકરી ફરી શરું કરવાની ચિંતા તથા આર્થિક નુકસાનના વિચાર કરવાથી પણ ઉંધ પર અસર થાય છે. ઘણાને વર્ક ફ્રોમ કર્યા પછી એટલું બધુ ટેન્શન રહેતું હોય છે કે ઉંઘ આવતી નથી, ઘરે બેઠા રહીને ઓફિસમાં કામ કરવું થોડા સમય સારું લાગતું હતું પરંતુ હવે તેની પણ મર્યાદાઓ પણ સમજાવા લાગી છે કારણ કે ઘર અને ઓફિસનું વાતાવરણ સાવ જ જુદા પ્રકારનું હોય છે.