January 18, 2025
IMD Monsoon Update: દેશમાં ચોમાસાનું આગમન થઈ ગયું છે. આ સાથે અનેક રાજ્યોમાં વરસાદની શક્યતા પણ વ્યક્ત કરવામાં આવી છે. આકરા તડકા અને ગરમી વચ્ચે ભારતીય હવામાન વિભાગ (IMD)એ સારા સમાચાર આપ્યા છે. હવામાન વિભાગે કહ્યું છે કે દિલ્હી, પશ્ચિમ ઉત્તર પ્રદેશ, હરિયાણા, પંજાબ અને રાજસ્થાન સહિત ઘણા રાજ્યોમાં વાદળો છવાશે. આ રાજ્યોમાં વરસાદની(IMD Monsoon Update) સંભાવના છે. તેમજ કેરળમાં ચોમાસાના આગમનની સાથે જ ભારે વરસાદ પડી રહ્યો છે.
30 મેથી કુલ 14 રાજ્યોમાં વરસાદની સંભાવના
IMDએ કહ્યું છે કે 30 મેથી કુલ 14 રાજ્યોમાં વરસાદની સંભાવના છે. જે રાજ્યોમાં વરસાદ થવાની છે તેમાં અરુણાચલ પ્રદેશ, આસામ, મેઘાલય, નાગાલેન્ડ, મણિપુર, મિઝોરમ, ત્રિપુરા, પશ્ચિમ બંગાળ અને સિક્કિમ જેવા ઉત્તર-પૂર્વના રાજ્યોનો સમાવેશ થાય છે. આ રાજ્યોમાં પવન સાથે વરસાદ થવાની સંભાવના છે. એટલું જ નહીં પરંતુ કેરળમાં ચોમાસાના આગમનને કારણે તમિલનાડુમાં પણ વરસાદ થવાનો છે.
ઉત્તર ભારતમાં જબરદસ્ત હીટવેવ અને ગરમીની અસર
હવામાન વિભાગે દિલ્હી, રાજસ્થાન, પંજાબ, હરિયાણા, ચંદીગઢ, પશ્ચિમી ઉત્તર પ્રદેશ અને મધ્યપ્રદેશ જેવા રાજ્યોમાં ગરમી અને હીટવેવને લઈને રેડ એલર્ટ જાહેર કરી દીધું છે. ગુરુવારે (30 મે) પણ આ રાજ્યોમાં જબરદસ્ત ગરમીનું મોજું ચાલી રહ્યું છે. તાપમાન 40 ડિગ્રીને પાર નોંધાયું છે. ગરમી એટલી વધી ગઈ છે કે લોકો માટે ઘરની બહાર નીકળવું મુશ્કેલ બની ગયું છે. આગામી દિવસોમાં ગરમીમાંથી રાહત મળે તેવી આશા છે.
Trending News
કેરળમાં ચોમાસાનો વરસાદ શરૂ થયો છે
કેરળમાં ચોમાસું સમય પહેલા આવી ગયું છે. હવામાન વિભાગે 31 મે સુધીમાં ચોમાસાના આગમનની આગાહી કરી હતી, પરંતુ ગુરુવારે ચોમાસું એક દિવસ વહેલું રાજ્યમાં પહોંચી ગયું હતું. ચોમાસાના આગમન પહેલા જ કેરળમાં ભારે વરસાદ થયો હતો. હવે ચોમાસાના વાદળોને કારણે સમગ્ર રાજ્યમાં ભારે વરસાદ જોવા મળી રહ્યો છે. કોચીથી કોટ્ટયમ સુધીના શહેરોમાં પણ પાણી ભરાયા છે. આગામી થોડા દિવસો સુધી વાતાવરણ આવુ જ રહેશે.
તે જ સમયે, હવામાનશાસ્ત્રીઓએ કહ્યું છે કે ચક્રવાત રેમલે ચોમાસાના પ્રવાહને બંગાળની ખાડી તરફ ખેંચ્યો છે, જે પૂર્વોત્તરમાં ચોમાસાના સમય પહેલા આગમનનું કારણ હોઈ શકે છે. ચક્રવાતી તોફાન રેમાલ રવિવારે પશ્ચિમ બંગાળ અને બાંગ્લાદેશના દરિયાકાંઠે ત્રાટક્યું હતું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App