October 16, 2024
IMD Predicts Cyclones: ચોમાસાએ સમગ્ર દેશમાંથી વિદાય લીધી છે, ત્યારે ઉત્તર-પૂર્વ ચોમાસાએ દ્વીપકલ્પના ભારતમાં તબાહી શરૂ કરી દીધી છે. હવામાન વિભાગે જણાવ્યું કે મંગળવારે દરિયાકાંઠાના આંધ્ર પ્રદેશ, તમિલનાડુ અને પુડુચેરી, મધ્ય પ્રદેશ અને રાજસ્થાનના પૂર્વ ભાગમાં વરસાદ (IMD Predicts Cyclones) પડ્યો હતો. તો સાથે સાથે IMDએ કહ્યું કે દિલ્હીમાં ગુલાબી ઠંડીએ દસ્તક આપી છે. કારણ કે દેશની રાજધાની અને આસપાસના વિસ્તારોમાં લઘુત્તમ તાપમાન ઘટીને 17 ડિગ્રી સેલ્સિયસ થઈ ગયું છે. વાદળછાયા વાતાવરણને કારણે, મહત્તમ તાપમાન હજુ પણ 34 થી 36 ડિગ્રી સેલ્સિયસ વચ્ચે યથાવત છે.
હવામાન વિભાગે કહ્યું કે દક્ષિણ-પશ્ચિમ ચોમાસાએ સમગ્ર દેશને વિદાય આપી દીધી છે. દરમિયાન, દ્વીપકલ્પના ભારતમાં ઉત્તરપૂર્વ ચોમાસાની ગતિવિધિ મંગળવાર, 15 ઓક્ટોબરથી શરૂ થઈ હતી. હવામાન વિભાગે જણાવ્યું હતું કે આંધ્ર પ્રદેશના દરિયાકાંઠે બંગાળની ખાડીમાં એક ચક્રવાતનું પરિભ્રમણ રચાઈ રહ્યું છે, તો બીજી તરફ આંદામાન અને નિકોબાર ટાપુઓ પર ખૂબ જ ઊંડા લો પ્રેશર સર્જાઈ રહ્યું છે, જે ધીમે-ધીમે એક ચક્રવાતનું સ્વરૂપ લેશે. જેના કારણે આજે તટીય આંધ્રપ્રદેશ, તમિલનાડુ, કેરળ, આંતરિક કર્ણાટક અને દક્ષિણ તેલંગાણામાં મૂશળધાર વરસાદની સંભાવના છે. હવામાન વિભાગે આ માટે રેડ એલર્ટ જાહેર કર્યું છે.
ભારે વરસાદને કારણે બેંગલુરુમાં શાળા-કોલેજો બંધ છે
બેંગલુરુમાં સતત વરસાદને કારણે હવામાન વિભાગે ‘ઓરેન્જ એલર્ટ’ જાહેર કર્યું છે. એક સરકારી આદેશમાં કહેવામાં આવ્યું છે કે વિદ્યાર્થીઓના હિતમાં સાવચેતીના પગલા તરીકે, બેંગલુરુ શહેરમાં તમામ આંગણવાડી કેન્દ્રો, ખાનગી/સહાયિત પ્રાથમિક શાળાઓ, ઉચ્ચ શાળાઓ અને કોલેજો બુધવારે બંધ રહેશે. દશેરાની રજાઓને કારણે શહેરની સરકારી શાળાઓ પહેલેથી જ બંધ છે.
Trending News
Depression over southwest Bayof Bengal
The depression over southwest Bay of Bengal moved west-northwestwards with a speedof 12 kmph during past 6 hours and lay centered at 0530 hours IST of today, the16th October 2024 over the same region near latitude 12.1° N and longitude… pic.twitter.com/PCPpGGuSjC— India Meteorological Department (@Indiametdept) October 16, 2024
વરસાદને કારણે રોડ બ્લોક થવાથી વિદ્યાર્થીઓ અને ઓફિસ જનારાઓને ખાસ કરીને બેંગલુરુમાં ભારે મુશ્કેલી પડી હતી. ભારે વરસાદને ધ્યાનમાં રાખીને સરકારે IT કંપનીઓને તેમના કર્મચારીઓને ઘરેથી કામ કરવાની મંજૂરી આપવાની સલાહ આપી છે.
દિલ્હીમાં હવામાન બદલાયું
દિલ્હીમાં લઘુત્તમ તાપમાનમાં ઘટાડો થયો છે. મંગળવારે લઘુત્તમ તાપમાન 17.4 ડિગ્રી સેલ્સિયસ નોંધાયું હતું. આ સામાન્ય કરતાં 2 ડિગ્રી સેલ્સિયસ ઓછું છે. એ જ રીતે, ગયા વર્ષે ઓક્ટોબરનું સૌથી ઓછું તાપમાન 22 ઓક્ટોબરે 15.6 ડિગ્રી નોંધાયું હતું. બુધવારે દિલ્હીમાં આકાશ વાદળછાયું રહેવાની આગાહી કરવામાં આવી છે. હવામાન વિભાગે કહ્યું કે રાષ્ટ્રીય રાજધાનીમાં મહત્તમ તાપમાન 35 ડિગ્રી સેલ્સિયસની આસપાસ રહી શકે છે. વધતા પ્રદૂષણને ધ્યાનમાં રાખીને દિલ્હીમાં GRAPનો પ્રથમ તબક્કો લાગુ કરવામાં આવ્યો છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App