November 28, 2024
Maharashtra Accident: મહારાષ્ટ્રના કોલ્હાપુરમાં એક દર્દનાક અકસ્માત થયો છે. જેમાં રાધાનગરી તાલુકાના સરવડેમાં બુધવારે ટ્રક અને બોલેરો વચ્ચે જોરદાર ટક્કર થઈ હતી. ત્યારે આ ભયાનક અકસ્માતમાં એક જ પલકારામાં એક જ ગામના ત્રણ યુવકોના (Maharashtra Accident) ઘટનાસ્થળે જ મોત નિપજ્યા હતા.
ત્રણ યુવકોના ઘટનાસ્થળે જ કમકમાટીભર્યા મોત
બોલેરો અને ટ્રક વચ્ચે ગત રાત્રે 12.30 વાગ્યાની આસપાસ અથડાયા હોવાનું જાણવા મળે છે. આ અકસ્માતમાં સોલંકુર ગામના ત્રણ યુવકોના ઘટનાસ્થળે જ મોત થયા હતા અને અન્ય ચાર લોકો ગંભીર રીતે ઘાયલ થયા હતા. આ ભયાનક અકસ્માત નિપાણી દેવગઢ સ્ટેટ હાઈવે પર સરવડે-માંગેવાડી વચ્ચે થયો હતો. ત્યારે મૃતકોની ઓળખ શુભમ ચંદ્રકાંત ધવરે (28), આકાશ આનંદ પરીત (23) અને રોહન સંભાજી લોહાર (24) તરીકે થઈ છે.
આ લોકો થયા ઘાયલ
આ અકસ્માતમાં રૂત્વિક પાટીલ, ભરત ધનાજી પાટીલ, સૌરભ સુરેશ તેલી અને સંભાજી લોહાર ગંભીર રીતે ઘાયલ થયા હતા. તેમની છત્રપતિ પ્રમિલા રાજે હોસ્પિટલમાં સારવાર ચાલી રહી છે. પ્રાપ્ત માહિતી અનુસાર, 11 સપ્ટેમ્બરની મધ્યરાત્રિ પછી સરવડે નદીના પુલ પાસે એક ટ્રક (KA 28 AA 8206) બોલેરોને ટક્કર મારી હતી. પોલીસે જણાવ્યું કે અથડામણ બાદ ટ્રક ચાલક વાહન સાથે સ્થળ પરથી નાસી ગયો હતો.
Trending News
આરોપી ટ્રક ચાલકની ધરપકડ
રાધાનગરી પોલીસના જણાવ્યા અનુસાર, અકસ્માત સમયે બોલોરોમાં સાત લોકો હતા અને તેઓ રાધાનગરી તહસીલના સોલંકુર ગામમાં પોતાના ઘરે જઈ રહ્યા હતા. રાધાનગરી પોલીસે આ અકસ્માત સંદર્ભે ટ્રક ચાલક સામે ગુનો નોંધી તેની ધરપકડ કરી છે.
આરોપી ટ્રક ડ્રાઈવરની ઓળખ ગદ્દિયપ્પા પરશુરામ રાઠોડ (ઉંમર 42) તરીકે થઈ છે, જે કર્ણાટકના યાદગીરનો રહેવાસી છે. ગણેશોત્સવ નિમિત્તે બનેલા આ અકસ્માતથી મૃતકના ગામમાં શોકની લાગણી છવાઈ ગઈ છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App