સુરતમાં નશામાં ધૂત ટ્રક ચાલકે બાઇક પર જતા બે મિત્રોને અડફેટે લઇ આપ્યું દર્દનાક મોત

સુરત(ગુજરાત): ગુજરાતમાં અવારનવાર અકસ્માત(Accident)ના બનાવો બની રહ્યા છે. તેવામાં સુરત(Surat)માં નવસારી બજાર પોલીસ ચોકી નજીક(Near Navsari Bazar Police Outpost) ટ્રક ચાલકે બાઇક સવાર બે મિત્રોને અડફેટે લેતા એક યુવકનું ઘટના સ્થળે જ કંકાટભર્યું મોત(The young man died on the spot) થયું હતું. ગુરુવારે મોડી રાત્રે બનેલી આ ઘટના પછી લોકોના ટોળા એકત્ર થવા લાગ્યા હતા. સાથે સાથે દારૂના નશા(Alcoholism)માં ટ્રક ચલાવતા ડ્રાઇવરને પકડીને પોલીસને સોપી દેવામાં આવ્યો હતો. જાણવા મળ્યું છે કે, મૃતક ઇરફાન ચપ્પલ ખરીદવા માટે ચોક બજાર ગયો હતો.

અઠવા પોલીસના જણાવ્યા અનુસાર, અકસ્માત લગભગ રાત્રે 11 વાગ્યાની આસપાસ બન્યો હતો. ટ્રકના ચાલકે બાઇકને પાછળથી અડફેટે લેતા બન્ને મિત્રો ગંભીર રીતે ઇજાગ્રસ્ત થયા હતા. બંનેને સારવાર માટે તાત્કાલિક નજીકની હોસ્પિટલમાં લઇ જવામાં આવ્યા હતા. જ્યાં તબીબોએ એક યુવાનને મૃત જાહેર કર્યો હતો. તપાસ કરતા મૃતક ઉધના પટેલનગરમાં રહેતો રાજુ ઉફે ઇરફાન રઝાક પઠાણ હોવાનું સામે આવ્યું હતું.

મૃતક ઇરફાનના ભાઇએ કહ્યું હતું કે, માતા-પિતાના અવસાન પછી બંને ભાઇઓ મજૂરી કરીને પોતાનું ગુજરાન ચલાવતા હતા. ઇરફાન મહોલ્લાના એક મિત્ર સાથે ચપ્પલ ખરીદવા માટે ચોક બજાર આવ્યો હતો. આ અકસ્માત ટ્રકનો ચાલક દારૂના નશામાં હોવાથી બન્યો હતો. લોકોએ તેને પકડીને પોલીસને સોપી દીધો હતો.