November 04, 2024
Surat Diamond News: સુરત ડાયમંડ નગરી તરીકે ઓળખવામાં આવે છે પરંતુ છેલ્લા કેટલાય સમયથી સુરતના હીરાબજારમાં જાણે ગ્રહણ લાગ્યું છે. હીરા બજારમાં મંદી વચ્ચે છેતરપિંડીના કિસ્સામાં વધારો થઈ રહ્યો છે.ત્યારે કતારગામના હીરાના વેપારી પાસેથી 94 લાખના રફ હીરાનો માલ ક્રેડિટ પર લઈ વરાછાના બે વેપારી બંધુઓ હીરાનો(Surat Diamond News) માલ બારોબાર વેચી મારી નાણા ચાંઉ કરી દીધા છે.
કાચા હીરાનો 94 લાખનો માલ બે લેભાગુ વેપારીએ કર્યો ચાઉં
મળતી માહિતી પ્રમાણે કતારગામ રોયલ પાર્ક બંગ્લોઝમાં રહેતા અને નંદુ ડોશીની વાડીમાં હીરાનો વેપાર કરતા ભીમજીભાઈ ઈટાલીયાએ દલાલ મારફતે વિપુલ બલર અને તેના ભાઈ અલ્પેશ બલરને કાચા હીરાનો 94 લાખનો માલ 90 દિવસની ક્રેડિટ પર આપ્યો હતો. ત્યારે બન્ને લેભાગુ વેપારીઓ પૈકી વિપુલનું વરાછા ગાયત્રી સોસાયટીમાં હીરાનું અને અલ્પેશનું ગારીધાર વતનમાં હીરાનું કારખાનાનું છે.તો આ માલ વહેંચવાના બહાને લઇ ગયા હતા જે બાદ 94 લાખના હીરા બારોબાર વહેંચી બન્નેએ મળી નાણાં પચાવી લીધા હોવાની વિગતો સામે આવી છે.
લેભાગુ વેપારી વિપુલ બલર અને અલ્પેશ સામે ઠગાઈનો ગુનો દાખલ
90 દિવસની મુદત પુરી થતા દલાલે અને વેપારીએ ઉઘરાણી શરૂ કરી હતી. થોડા દિવસમાં ચુકવી દેવાના વાયદાઓ કરી બાદમાં બન્ને જણાએ વેપારીને કહ્યું કે અમે બધુ પોલીસ અને કોર્ટની કાર્યવાહી જાણીએ છીએ, જે કરવું હોય તે કરી લો. આખરે વેપારીએ કાપોદ્રા પોલીસમાં ફરિયાદ આપી છે. જેના આધારે પોલીસે લેભાગુ વેપારી વિપુલ બલર અને અલ્પેશ સામે ઠગાઈનો ગુનો નોંધ્યો છે.
Trending News
આરોપીઓ કારીગરોનો પગાર કર્યા વગર કારખાના બંધ કરી ભાગી ગયા
નાણાં ચાઉં કર્યા બાદ ઉપરથી વેપારીએ ધમકી આપી કે તમે વધારે ઉઘરાણી કરશો તો અમે દવા પીને તમને પોલીસ કેસમાં ફસાવી દઈશું, પોલીસ અને કોર્ટ અમારૂ કંઈ નહિ બગાડી શકે, સાથે વેપારીના પુત્રને રસ્તા પર બહાર નીકળશે તો જોઈ લેવા સુધીની ધમકી આપી હતી. બન્ને આરોપીઓ કારીગરોનો પગાર કર્યા વગર કારખાના બંધ કરી ભાગી ગયા હતા.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લaખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube