મોદી સરકારની આ યોજનાથી તમારી દીકરીને મળશે 65 લાખ રૂપિયા, જાણો કેવી રીતે કરાવવું રજીસ્ટ્રેશન

જો તમે પણ તમારી દીકરી માટે મોટું ફંડ બનાવવા માંગતા હો, તો સુકન્યા સમૃદ્ધિ યોજના(SSY) એક સારો વિકલ્પ છે. SSY સ્કીમમાં નાણાંનું રોકાણ કરીને, તમે તમારી પુત્રીના ઉચ્ચ શિક્ષણ, કારકિર્દી અને લગ્ન વિશે ખાતરી કરશો. આ માટે તમારે સુકન્યા સમૃદ્ધિ યોજનામાં રોકાણ કરવું પડશે. સુકન્યા સમૃદ્ધિ યોજના હેઠળ 10 વર્ષથી ઓછી ઉંમરની દીકરી માટે ખાતું ખોલાવી શકાય છે.

જાણો શું છે સુકન્યા સમૃદ્ધિ યોજના
સુકન્યા સમૃદ્ધિ યોજના (SSY) એ દીકરીઓ માટે કેન્દ્ર સરકારની નાની બચત યોજના છે. જે બેટી બચાવો-બેટી પઢાવો યોજના હેઠળ શરૂ કરવામાં આવી છે. નાની બચત યોજનામાં સુકન્યા શ્રેષ્ઠ વ્યાજ દર યોજના છે.

સુકન્યા સમૃદ્ધિ યોજના ખાતું કેવી રીતે ખોલવું
સુકન્યા સમૃદ્ધિ યોજના હેઠળ ખાતું 10 વર્ષની ઉંમર પહેલા બાળકીના જન્મ પછી 250 રૂપિયાની ન્યૂનતમ ડિપોઝિટ સાથે ખોલી શકાય છે. ચાલુ નાણાકીય વર્ષમાં સુકન્યા સમૃદ્ધિ યોજના હેઠળ, તમે વાર્ષિક મહત્તમ 1.5 લાખ રૂપિયા સુધી જમા કરાવી શકો છો.

હાલમાં તેના પર 7.6 ટકા વ્યાજ મળી રહ્યું છે. આ યોજનામાં કોઈપણ વ્યક્તિ પોતાની બે દીકરીઓ માટે ખાતું ખોલાવી શકે છે. 21 વર્ષની ઉંમરે દીકરીઓ આ ખાતામાંથી પૈસા ઉપાડી શકે છે. આ સ્કીમમાં 9 વર્ષ 4 મહિનામાં રકમ બમણી થઈ જશે.