November 05, 2024
ભારતીય ક્રિકેટ ટીમમાંથી બહાર કરાયેલા ચાઈનામેન બોલર કુલદીપ યાદવે (Kuldeep Yadav) છેલ્લા કેટલાક મહિનામાં શાનદાર પ્રદર્શન કર્યું છે. બાંગ્લાદેશ સામેની ટેસ્ટમાં 8 વિકેટ લેનાર આ સ્પિનરે શ્રીલંકા સામે તક મળતાની સાથે જ ચમત્કારો કરી નાખ્યો. કોલકાતાના ઈડન ગાર્ડન્સ ખાતેની બીજી વનડેમાં કુલદીપે એક પછી એક ત્રણ વિકેટ ઝડપી અને મેચનું વાતાવરણ સંપૂર્ણપણે બદલી નાખ્યું હતું.
ભારત અને શ્રીલંકા વચ્ચે ત્રણ મેચની વનડે શ્રેણી રમાઈ રહી છે. કોલકાતામાં પ્રથમ વનડે જીત્યા બાદ ટીમ ઈન્ડિયાએ પ્લેઈંગ ઈલેવનમાં ફેરફાર કરીને યુઝવેન્દ્ર ચહલની જગ્યાએ કુલદીપ યાદવને સામેલ કર્યો છે. સુકાની રોહિત શર્મા અને કોચ રાહુલ દ્રવિડના વિશ્વાસ પર ખરા ઉતરીને તેણે સતત વિકેટો લીધી.
17મી ઓવરમાં બોલિંગ બદલતા કેપ્ટન રોહિત શર્માએ કુલદીપ યાદવને બોલાવ્યો હતો. તેણે ઓવરના છેલ્લા બોલ પર શાનદાર બોલ પર કુસલ મેન્ડિસને ફસાવી દીધો. વિકેટની સામે બેટ્સમેનને ગુંચવાયો અને અમ્પાયરે LBW આપ્યો. મેન્ડિસે રિવ્યુ લીધો પણ થર્ડ અમ્પાયર પણ તેને બચાવી શક્યા નહીં.
Trending News
આ પછી છેલ્લી મેચમાં સદી ફટકારનાર સુકાની દાસુન શનાકા 2 રનના સ્કોર પર ધીમા બોલ પર ક્લીન બોલ્ડ થયો હતો. તેની આગલી ઓવરમાં કુલદીપે ધીમા બોલ પર ચાલાકીથી ચરિથ અસલંકાને પોતાના જ બોલ પર કેચ આઉટ કરાવ્યો હતો.
કુલદીપ યાદવે 10 ઓવરમાં 51 રન આપીને 3 વિકેટ લીધી હતી. જણાવી દઈએ કે કુલદીપ યાદવને બાંગ્લાદેશ વિરૂદ્ધ ટેસ્ટ બાદ આંતરરાષ્ટ્રીય ક્રિકેટમાં રમવાની તક મળી હતી. તે મેચમાં તેણે 8 વિકેટ લીધી હતી અને તે મેન ઓફ ધ મેચ રહ્યો હતો. આવી સ્થિતિમાં તેને આગામી મેચમાં તક મળે છે કે નહીં તે જોવાનું રહેશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.