November 03, 2024
સોશિયલ મીડિયા(Social media) પર પોતાની પ્રતીભાઓ વધારવા ઘણા યુવાનો અવનવા ફોટાઓ અપલોડ કરતા હોય છે. જે ક્યારેક જીવલેણ પણ સાબિત થતો હોય છે. આવી જ એક ઘટના હાલમાં રાજસ્થાનના(Rajasthan) ધોલપુરમાં(Dholpur) સામે આવી છે.
મળેલી માહિતી મુજબ અહીં એક કોલેજ સ્ટુડન્ટે સેલ્ફી લેવાના પ્રયાસમાં પોતાનો જીવ ગુમાવ્યો હતો. મૃત્યુ પછી, પરિવાર ગુપ્ત રીતે વિદ્યાર્થીના અંતિમ સંસ્કાર કરવાનો પ્રયાસ કરી રહ્યો હતો, પરંતુ જ્યારે પોલીસને માહિતી મળી, ત્યારે મૃતદેહ પરિવાર પાસેથી જપ્ત કરવામાં આવ્યો.
મળેલી માહિતી અનુસાર, ધોલપુર જિલ્લાના ઉમરેહ ગામમાં, રામબિલાસ મીણાનો પુત્ર સચિન મીણા (19), રવિવારે સવારે તેના ઘરની નજીકના ખેતરમાં ગેરકાયદેસર દેશી બનાવટની બંદૂક સાથે સેલ્ફી લઈ રહ્યો હતો. આ દરમિયાન મોબાઈલ પર ક્લિક કરવાને બદલે બીજા હાથમાં દેશી બનાવટની બંદૂકનું ટ્રિગર દબાઈ ગયું. તેના માથા પરની બંદૂકથી ફાયર થતાં જ તેનું માથું ઉડી ગયું હતું.
Trending News
મૃતદેહને ગુપ્ત રીતે લઈ જવા લાગ્યો, પોલીસે રસ્તામાં જ અટકાવી દીધી:
તબીબોએ યુવકને મૃત જાહેર કરતાં જ પરિવારજનો કાયદેસરની કાર્યવાહી ન કરતાં મૃતદેહ ઘરે લઈ જવા દોડી આવ્યા હતા. આ દરમિયાન પોલીસને માહિતી મળી અને બારી સદર પોલીસ સ્ટેશને મૃતદેહને લઈ જઈ રહેલા વાહનને રસ્તામાં અટકાવ્યું. પોલીસે મૃતદેહનો કબજો મેળવી સરકારી હોસ્પિટલના શબઘરમાં રાખ્યો છે.
પોલીસ સ્ટેશનના પ્રભારી યોગેન્દ્ર રાજાવતે કહ્યું કે પરિવારના સભ્યોએ સેલ્ફી લેવા દરમિયાન યુવકના મોતની જાણકારી આપી છે. હાલ તપાસ ચાલી રહી છે. સ્વજનોની હાજરીમાં પોસ્ટમોર્ટમ કરાવી લાશને સોંપવામાં આવશે. સ્ટેશન ઈન્ચાર્જે કહ્યું કે પોલીસ ગેરકાયદેસર હથિયારો અંગે પણ તપાસ કરશે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.