12 સપ્ટેમ્બરે યોજાશે Appleની ઇવેન્ટ, ચાહકોને મળી શકે છે iPhone 15 અને iPhone 15 Plus ની ભેટ

Apple Wonderlust Event: Apple Event 12 સપ્ટેમ્બરે આયોજિત થવા જઈ રહી છે, આ વખતે Apple ઈવેન્ટમાં કંપનીની નવી iPhone 15 સિરીઝ લૉન્ચ થવા જઈ રહી છે. નવી સિરીઝના લોન્ચ થવામાં(Apple Wonderlust Event) બહુ ઓછો સમય બાકી છે, હવે એક તાજેતરના રિપોર્ટમાં સામે આવ્યું છે કે iPhone 15 અને iPhone 15 Proમાં કેટલાક મોટા ફીચર્સ આવવાના છે જે iPhone 14 Proમાં જોવા મળ્યા હતા.

આજે, iPhone 15 સીરિઝના લોન્ચિંગ પહેલા, અમે તમને એવા ફીચર્સ વિશે જણાવવા જઈ રહ્યા છીએ જે લોકો iPhone 15 અથવા iPhone 15 Plus ખરીદવાનું વિચારી રહ્યા છે તેઓ iPhone 14 Pro. માં જોવા મળશે.

બ્લૂમબર્ગ માર્ક જર્મનના રિપોર્ટમાં ખુલાસો થયો છે કે ગ્રાહકો iPhone 15 અને iPhone 15 Plusમાં 48 મેગાપિક્સલનો રિયર કેમેરા સેન્સર અને ડાયનેમિક આઇલેન્ડ ફીચર મેળવી શકે છે.

ડાયનેમિક આઇલેન્ડ શું છે?
ડાયનેમિક આઇલેન્ડ એક પીલ આકારનું કટઆઉટ છે જેમાં ફ્રન્ટ કેમેરા અને ફેસ આઈડી સેન્સર આપવામાં આવ્યું છે. નોંધનીય બાબત એ છે કે ડાયનેમિક આઇલેન્ડ એપલ ફોનમાં આપવામાં આવેલા નોચ કરતા નાનો છે. તેના નાના કદના કારણે, વપરાશકર્તાઓને વધુ સ્ક્રીન સ્પેસ મળે છે. આ ફીચર સૌ પ્રથમ iPhone 14 Pro અને iPhone 14 Pro Maxમાં આપવામાં આવ્યું હતું.