May 01, 2024
Nitish Rana wife Saachi Marwah: ઈન્ડિયન પ્રીમિયર લીગ (IPL) 2023ની સીઝનમાં કોલકાતા નાઈટ રાઈડર્સ (KKR) ટીમની કેપ્ટનશીપ સંભાળી રહેલા નીતિશ રાણાને લઈને એક મોટા સમાચાર આવ્યા છે. નીતિશની પત્ની (Nitish Rana Wife) સાચી મારવાહ સાથે ગેરવર્તણૂક કરવામાં આવી છે, જેની તેણે દિલ્હી પોલીસમાં ફરિયાદ કરી હતી.
સાચીના કહેવા પ્રમાણે, દિલ્હી પોલીસનું વલણ પણ ઘણું ખરાબ હતું. આ મામલાની જાણકારી સૌથી પહેલા સાચીએ પોતાના ઈન્સ્ટાગ્રામ દ્વારા આપી હતી. આરોપી છોકરાઓનો ફોટો શેર કરતા તેણે કહ્યું હતું કે, કામ પરથી ઘરે પરત ફરતી વખતે કીર્તિ નગર વિસ્તારમાં તેમની સાથે આ કૃત્ય થયું.
‘પોલીસનું વલણ પણ સારું ન હતું’ – સાચી
સાચીએ ઈન્સ્ટા સ્ટોરી પર લખ્યું છે કે, બે યુવકો સ્કૂટી પર તેની કારની પાછળ આવ્યા અને જ્યારે કાર ઉભી ન રાખી તો ટક્કર પણ મારી. જ્યારે સાચીએ ફોન પર પોલીસને ફરિયાદ કરી તો તેમનું વલણ પણ સારું નહોતું અને આ મામલો રફદ્ફા કરવા કહ્યું હતું. પોલીસે સાચીને ફોન પર કહ્યું કે, તમે સુરક્ષિત ઘરે પહોંચી ગયા છો. હવે આ વાતને અહીં જ છોડી દો.
Trending News
સલાહ આપતાં પોલીસે સાચીને કહ્યું કે, આગલી વખતે આવું કંઈક થાય તો વાહનનો નંબર નોંધી લે. પરંતુ આ મામલામાં સાચીએ હાર ન માની અને મેલ દ્વારા દિલ્હી પોલીસને ફરિયાદ કરી. આ પછી દિલ્હી પોલીસે 354, 354 (D) સહિત અનેક કલમો હેઠળ કેસ નોંધીને બંને આરોપીઓની ધરપકડ કરી હતી.
બંને આરોપીઓની ધરપકડ કરવામાં આવી હતી
ડીસીપી (પશ્ચિમ) ઘનશ્યામ બંસલે જણાવ્યું કે, સાચી સાથે આ ઘટના 4 મેના રોજ લગભગ 8:30 વાગ્યે બની હતી, જ્યારે તે તેના ડ્રાઈવર સાથે છતરપુરથી મોડલ ટાઉન તરફ જઈ રહી હતી. કીર્તિ નગર વિસ્તારમાં લાલ લાઇટ પર તેમની કાર રોકાઈ હતી, જ્યારે એક બાઇક ખૂબ જ સ્પીડમાં આવી હતી અને તેમની કારની બરાબર સામે આવીને તેને રોકી હતી. આ પછી બાઇક પર બેઠેલા છોકરાઓ તેમની સામે જોવા લાગ્યા અને કારને પણ ટક્કર મારવા લાગ્યા.
સાચીએ આ ફરિયાદ 5 મેના રોજ દિલ્હી પોલીસને મેલ પર આપી હતી. આ કેસમાં દિલ્હી પોલીસે સીસીટીવી દ્વારા બંને આરોપીઓની ધરપકડ કરી છે. તેમની ઓળખ પાંડવ નગરના રહેવાસી ચૈતન્ય શિવમ અને પટેલ નગરના રહેવાસી વિવેક તરીકે થઈ છે. બંનેની ઉંમર 18-18 વર્ષની છે.
સાચી મારવાહ ગોવિંદાનો સંબંધી છે.
જણાવી દઈએ કે, સાચી વ્યવસાયે ઈન્ટિરિયર ડિઝાઈનર છે. લાંબા સમય સુધી એકબીજાને ડેટ કર્યા બાદ સચી અને નીતિશે 2019માં લગ્ન કર્યા હતા. સાચી સોશિયલ મીડિયા પર પણ ખૂબ એક્ટિવ છે. સાચીની કારકિર્દી 2015માં શરૂ થઈ હતી. તેણે અંસલ યુનિવર્સિટીની સુશાંત સ્કૂલ ઓફ ડિઝાઈનની ફેકલ્ટીમાં અભ્યાસ કર્યો છે. સાંચીએ ઘણા જાણીતા ઈન્ટીરીયર ડીઝાઈનરો પાસેથી તાલીમ પણ લીધી છે.
સાચી બોલિવૂડ સ્ટાર ગોવિંદાના સંબંધી પણ છે. આ વાતનો ખુલાસો અભિનેતા અને ગોવિંદાના ભત્રીજા અભિષેક કૃષ્ણાએ ‘કોમેડી નાઈટ વિથ કપિલ શર્મા’ના શોમાં કર્યો હતો. અભિષેકે કહ્યું હતું કે સાચી તેની કઝીન બહેન લાગે છે. આ સંબંધમાંથી નીતિશ રાણા તેમના સાળા છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરો.
