May 08, 2024
જયપુરમાં કોંગ્રેસ નેતા ગોપાલ કેસાવતની દીકરીના અપહરણનો ચોંકાવનારો મામલો સામે આવ્યો છે. ઘટના સમયે પુત્રીએ તેના પિતાને પણ ફોન કર્યો હતો. કહ્યું, ‘કેટલાક છોકરાઓ મારી પાછળ પડ્યા છે. પપ્પા, જલ્દી આવો.’ પિતાએ સોમવારે મોડી રાત્રે પ્રતાપ નગર પોલીસ સ્ટેશનમાં અજાણ્યા બદમાશો વિરુદ્ધ પુત્રીના અપહરણનો કેસ નોંધાવ્યો છે. બીજી તરફ, CST અને પોલીસની ટીમે કોંગ્રેસ નેતા ગોપાલ કેસાવતની પુત્રીની શોધ શરૂ કરી છે.
રિપોર્ટમાં જણાવવામાં આવ્યું હતું કે, દીકરી સ્કુટી પર NRI સર્કલ શાકભાજી લેવા ગઈ હતી. તે પરત ન ફરતાં પરિવારજનોએ શોધખોળ શરૂ કરી હતી. કંઈ ન મળતાં રાત્રે પોલીસ સ્ટેશનમાં ગુનો નોંધવામાં આવ્યો હતો. તે દરમિયાન મંગળવારે સવારે એરપોર્ટ રોડ પર એક લાવારીસ સ્કૂટી મળી આવી હતી.
સીઆઈ એ કહ્યું કે, મામલાની ગંભીરતાને ધ્યાનમાં લઈને દરેક પાસાઓની તપાસ કરવામાં આવી રહી છે. ઘટનાસ્થળની આસપાસ લાગેલા સીસીટીવી કેમેરાના ફૂટેજની તપાસ કરવામાં આવી રહી છે.
Trending News
તે જ સમયે કેસાવતે એડિશનલ પોલીસ કમિશનરને એક મેમોરેન્ડમ આપીને દીકરીને વહેલી તકે શોધવાની માંગ કરી હતી. તેમણે કહ્યું કે જો VVIPની દીકરી કે તેમનો પાળતું કૂતરો હોત તો તેના CCTV મળી આવ્યા હોત. 15 કલાક થઇ ગયા છે તે છતાં પણ ફૂટેજ કે લોકેશન ટ્રેસ કરીને અમને કઈ જાણકારી આપવામાં આવી નથી. સત્તાધીશો પાસે દીકરીને સલામત રીતે લાવવાની માંગ ઉઠી છે. મેં ઈન્ચાર્જને કેટલાક શંકાસ્પદ લોકોના નામ પણ જણાવ્યા છે.
ગોપાલ કેસાવતે પોલીસને જણાવ્યું કે, ‘અભિલાષા સોમવારે સાંજે 5:30 વાગ્યે ઘરેથી નીકળી હતી. આ પછી, 6:05 વાગ્યે તેણે મને ફોન કર્યો અને કહ્યું- ‘પાપા, કેટલાક છોકરાઓ મારી પાછળ આવ્યા છે, તરત કાર લઈ આવો.’ આના પર પરિવારના અન્ય સભ્યો સાથે હું તરત જ કાર લઈને એનઆરઆઈ સર્કલ પાસે પહોંચ્યો હતો.
પછી કેસાવતને ત્યાં ન તો દીકરી મળી કે ન તેની સ્કૂટી. મેં મારી દીકરીને ફોન કર્યો તો તેનો મોબાઈલ બંધ થઈ ગયો. આ પછી, તેણે તેના સંબંધીઓ અને પરિચિતો સાથે મળીને આસપાસના સમગ્ર વિસ્તારમાં શોધખોળ કરી, પરંતુ ક્યાંય પુત્રીનો કોઈ સુરાગ મળ્યો ન હતો. આ પછી મોડી રાત્રે પ્રતાપનગર પોલીસ સ્ટેશન પહોંચ્યા બાદ કેસ નોંધવામાં આવ્યો હતો.
જે સ્કૂટી પર અભિલાષા શાકભાજી ખરીદવા ગઈ હતી, તે ગોપાલ કેસ્સાવાતે આજે સવારે એરપોર્ટ રોડ પર શોધી દીધી હતી. હાલ પોલીસ એનઆરઆઈ સર્કલમાં લાગેલા તમામ સીસીટીવી કેમેરાના ફૂટેજ તેમજ સ્કૂટી જ્યાંથી મળી હતી તે સ્થળનું સ્કેનિંગ કરી રહી છે. કેસાવત ગેહલોતની અગાઉની સરકારમાં રાજસ્થાન વિચરતી મંડળના પ્રમુખ હતા. આ સાથે તેઓ લાંબા સમયથી કોંગ્રેસમાં સક્રિય છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
