February 23, 2025
ISRO Scientist N Valarmathi Passes Away: જ્યારે દેશ ચંદ્રયાન-3 મિશનની સફળતાની ઉજવણી કરી રહ્યો છે ત્યારે ISRO તરફથી એક દુઃખદ સમાચાર સામે આવ્યા છે. ઈસરોના વૈજ્ઞાનિક એન વલરામતીનું હાર્ટ એટેકથી અવસાન થયું. વલરામતી રોકેટ લોન્ચિંગ માટે કાઉન્ટડાઉનનો હવાલો સંભાળી રહી હતી.
વલરામતીએ ચંદ્રયાન-3ના પ્રક્ષેપણ માટે કાઉન્ટડાઉન પણ કર્યું હતું. ઈસરોના સૂત્રોના જણાવ્યા અનુસાર, છેલ્લા કેટલાક દિવસોથી તેમની તબિયત સારી નહોતી. તેની સારવાર કરવામાં આવી હતી, પરંતુ હૃદયરોગના હુમલાથી તેનું મૃત્યુ થયું હતું.(ISRO Scientist N Valarmathi Passes Away)
વલારમાથીએ ચેન્નાઈમાં લીધા અંતિમ શ્વાસ
ISROના તમામ પ્રક્ષેપણના કાઉન્ટડાઉન દરમિયાન જે અવાજ સંભળાયો તે એન વલરામતીનો હતો. તેમનું છેલ્લું મિશન ચંદ્રયાન-3 હતું. તમને જણાવી દઈએ કે ચંદ્રયાન-3 મિશન 14 જુલાઈના રોજ શ્રીહરિકોટાથી લોન્ચ કરવામાં આવ્યું હતું. ચંદ્રયાન-3ના કાઉન્ટડાઉન દરમિયાન જે અવાજ સંભળાયો તે વૈજ્ઞાનિક એન વલરામતીનો હતો. તમિલનાડુના અલીયાયુરની વતની વાલરામતીએ ચેન્નાઈમાં અંતિમ શ્વાસ લીધા.
Trending News
ઈસરોએ લોન્ચ કર્યું પ્રથમ સૂર્ય મિશન
ચંદ્રયાન-3 એ 23 ઓગસ્ટની સાંજે ચંદ્રના દક્ષિણ ધ્રુવ પર સફળ સોફ્ટ લેન્ડિંગ કર્યું હતું. આ સાથે ભારત ચંદ્રના દક્ષિણ ધ્રુવ સુધી પહોંચનારો પ્રથમ દેશ બન્યો છે. ચંદ્રયાન-3 ના ચંદ્ર પર ઉતરાણ સાથે, વિક્રમ લેન્ડર અને રોવર પ્રજ્ઞાને તેમનું કામ શરૂ કર્યું અને ઘણી શોધ કરી. ચંદ્રને લગતા વણઉકેલ્યા રહસ્યોને ઉકેલવાના 10 દિવસના પ્રયાસ બાદ પ્રજ્ઞાન રોવર હવે સ્લીપ મોડમાં આવી ગયું છે. ખરેખર, ચંદ્ર પર હવે લાંબી રાત છે અને પ્રજ્ઞાન રોવર અને વિક્રમ લેન્ડર માટે માઈનસ 200 ડિગ્રી સેલ્સિયસમાં કામ કરવું શક્ય નથી. આ સાથે જ શનિવારે ઈસરોએ વધુ એક સિદ્ધિ હાંસલ કરી છે. ચંદ્રયાન-3 ની સફળતા પછી, ISRO એ તેનું સૂર્ય મિશન એટલે કે આદિત્ય-L1 લોન્ચ કર્યું.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube