ભારતીય સેનાના 3 જવાને બદનામ કર્યું દેશનું નામ: કર્યા એવા કારનામા કે, જાણીને શરમથી માથું થઈ જશે નીચુ

હાલમાં ફરી એક વાર 9 વર્ષીય સગીર યુવતીનું અપહરણ કરીને દુષ્કર્મનો પ્રયાસ કરવાનો કેસ સામે આવ્યો છે. આ કેસમાં આરોપી ત્રણ આર્મીની અટકાયત કરવામાં આવી હતી. પોલીસ સૂત્રોએ જણાવ્યું છે કે, આ જવાનોમાંથી એક જવાન કાશ્મીરનો સ્થાનિક રહેવાસી છે. જ્યારે અન્ય બે જવાન અન્ય રાજ્યોના છે. જોકે આ મામલે સૈન્ય તરફથી કોઈ પ્રતિક્રિયા મળી નથી.

સાક્ષીઓ અને પોલીસને મળેલી માહિતી પ્રમાણે, 9 વર્ષની બાળકી ઉત્તર કાશ્મીર જિલ્લાના ચેવા વિસ્તારની છે. બાળકના પરિવારજનોની ફરિયાદ બાદ આરોપી વિરુદ્ધ સંબલ પોલીસ સ્ટેશનમાં આઈપીસીની કલમ 341, 363, 511 હેઠળ ગુનો નોંધવામાં આવ્યો છે. આ મામલો પ્રકાશમાં આવ્યા બાદ રાજ્યના પૂર્વ મુખ્યમંત્રી અને પીપલ્સ ડેમોક્રેટિક પાર્ટીના વડા મહેબૂબા મુફ્તિ દ્વારા સવાલો ઉભા કરવામાં આવ્યા છે.

તેમણે ટ્વીટ કર્યું, ‘બાંદીપોરાના સ્થાનિક લોકોએ આક્ષેપ કર્યો છે કે 3 સૈનિકોએ 9 વર્ષની બાળકીનું અપહરણ અને છેડતીનો પ્રયાસ કર્યો છે. મુફ્તીએ આ ટ્વીટમાં પોલીસ તંત્ર પર પણ સવાલ ઉઠાવ્યા હતા. તેમણે લખ્યું, ‘તેમના પરિવારને એફઆઈઆર પરત લેવા માટે મજબુર કરવામાં આવે છે. તે ન્યાય સાથેની મજાક છે અને નિષ્પક્ષ તપાસ તુરંત શરૂ થવી જોઈએ, જેથી તેમને કડક સજા મળી શકે.

બંદીપોરાના એસએસપી રાહુલ મલિકે જણાવ્યું હતું કે, 3 લોકોની ધરપકડ કરવામાં આવી છે. જોકે આ મામલો ‘સંવેદનશીલ’ હોવાને કારણે તેની ઓળખ જાહેર થઈ નથી. તેમણે કહ્યું, ‘અમે ફરિયાદી અને આરોપી બંનેની ઓળખ ગુપ્ત રાખી છે. જો આરોપી સામે આરોપો ઘડવામાં આવે તો અમે આગળની કાર્યવાહી કરીશું.