શહીદ વિરને શત શત વંદન: 18 જાન્યુઆરીએ પાકિસ્તાની સેનાની ગોળીબારમાં ઘાયલ થયેલ સૈનિકનું થયું કરુણ મોત

પાકિસ્તાને કરેલા ફાયરિંગમાં સેનાનો એક જવાન શહીદ થયો હતો. પાકિસ્તાની સેનાએ જમ્મુ-કાશ્મીરના સુંદરબની સેક્ટરમાં 18 જાન્યુઆરીએ યુદ્ધવિરામનો ભંગ કર્યો હતો. આર્મીના PROએ કહ્યું હતું કે, યુદ્ધવિરામના ભંગ દરમિયાન હીરો નિશાંત શર્મા ઘાયલ થયા હતા.

સારવાર દરમિયાન રવિવારે તેનું મોત નીપજ્યું હતું. નિશાંત શર્મા આર્મીના 10 જેએકે રાઇફલ્સ યુનિટમાં પોસ્ટ કરાયા હતા. સેનાના જણાવ્યા અનુસાર ભારતીય સેનાએ પણ ફાયરિંગનો જવાબ આપ્યો હતો. આ એક ખુબ દુઃખદ સમાચાર જાણવા મળ્યા છે.

બુધવારે આર્મી કોન્સ્ટેબલ શહીદ થયો :
આની પહેલા પાકિસ્તાન સેનાએ મંગળવારે જમ્મુ-કાશ્મીરના પૂંચ જિલ્લામાં યુદ્ધવિરામનો ભંગ કર્યો હતો. આ સમયગાળા દરમિયાન, કૃષ્ણ વેલી સેક્ટરમાં બનેલી ફોરવર્ડ પોઝિશન પર આ ફાયરિંગમાં હવાલદાર નિર્મલસિંહ ઘાયલ થયા હતા. સારવાર દરમિયાન બુધવારે તેનું મોત નીપજ્યું હતું.

પાકિસ્તાની સેના સતત ફાયરિંગ કરી રહી છે :
નવેમ્બર મહિનામાં પાકિસ્તાની આર્મીના ફાયરિંગમાં બીએસએફ અને આર્મીના કુલ 5 જવાનો શહીદ થયા હતા. કુલ 6 નાગરિકો પણ માર્યા ગયા હતા. જવાબી કાર્યવાહીમાં સેનાએ પાકિસ્તાની સેનાના 3 કમાન્ડો સહિત કુલ 11 સૈનિકોને માર્યા ગયા હતા.