June 26, 2024
કેન્દ્રીય મંત્રી અમિત શાહ(Amit Shah) જમ્મુ-કાશ્મીર(Jammu and Kashmir)ના પ્રવાસે છે. દરમિયાન જમ્મુના ઉદાઈવાલા(Udaiwala)માં જમ્મુ-કાશ્મીરના DG જેલ હેમંત લોહિયા(DG Hemant Lohia Murder)ની હત્યાએ ખળભળાટ મચાવી દીધો હતો. DG જેલ હેમંતના લોહિયાનો મૃતદેહ તેમના ઘરેથી મળી આવ્યો હતો. તેનું ગળું કાપીને હત્યા કરવામાં આવી હતી. આ સિવાય તેના શરીર પર ઈજાના અને દાઝવાના નિશાન પણ મળી આવ્યા છે. આતંકવાદી સંગઠન TRFએ લોહિયાની હત્યાની જવાબદારી લીધી છે. આ સંગઠન જમ્મુ-કાશ્મીરમાં છેલ્લા કેટલાક સમયથી સક્રિય છે અને આતંકી ઘટનાઓને અંજામ આપી રહ્યું છે.
જણાવવામાં આવી રહ્યું છે કે, લોહિયા ઉદયવાલામાં એક મિત્રના ઘરે હતા. તેની સાથે તેનો નોકર યાસીર પણ હાજર હતો. પોલીસના જણાવ્યા અનુસાર, પ્રારંભિક તપાસમાં જાણવા મળ્યું છે કે, નોકર દ્વારા આ હત્યા કરવામાં આવી છે. જે બાદ તે ફરાર થઈ ગયો હતો. યાસિર જમ્મુ-કાશ્મીરના રામબનનો રહેવાસી છે.
પોલીસના જણાવ્યા અનુસાર, લોહિયાનો મૃતદેહ તેના ઘરેથી શંકાસ્પદ હાલતમાં મળી આવ્યો હતો. આ પછી પોલીસ તપાસમાં તેની હત્યા કરવામાં આવી હોવાનું જાણવા મળ્યું હતું. DGP દિલબાગ સિંહે કહ્યું કે નોકરને પકડવા માટે સર્ચ ઓપરેશન શરૂ કરવામાં આવ્યું છે.
દિલબાગ સિંહે જણાવ્યું કે આરોપીઓએ હેમંતના લોહિયાના મૃતદેહને સળગાવવાનો પ્રયાસ કર્યો હતો. જમ્મુના અધિક પોલીસ મહાનિર્દેશક મુકેશ સિંહે લોહિયાના ઘરની મુલાકાત લીધી હતી. તેઓએ કહ્યું કે લોહિયાના શરીર પર સળગવાના નિશાન અને ગળું કાપવામાં આવ્યું હતું. પોલીસના જણાવ્યા અનુસાર, ઘટના સ્થળે પ્રાથમિક તપાસમાં જાણવા મળ્યું છે કે લોહિયાના શરીર પર તેલ પણ જોવા મળ્યું હતું. તેના પગમાં સોજો હતો. પહેલા લોહિયાની હત્યા કરવામાં આવી હતી. તેનું ગળું કાપવા માટે કેચપ બોટલનો ઉપયોગ કરવામાં આવ્યો હતો. બાદમાં લાશને આગ ચાંપવાનો પ્રયાસ કરવામાં આવ્યો હતો.
ગાર્ડે રૂમમાં આગ જોઈ:
હેમંતના લોહિયાના ઘરે તૈનાત ગાર્ડે રૂમમાં આગ જોઈ. જે બાદ તે અંદર દોડી ગયો હતો. પરંતુ ગેટ બંધ હતો. જે બાદ તેણે ગેટ તોડી નાખ્યો હતો. રૂમનો દરવાજો અંદરથી બંધ હતો. એડીજીપીએ જણાવ્યું કે, પ્રાથમિક તપાસમાં આ હત્યા હોવાનું જણાય છે. નોકર ફરાર છે. તેની શોધખોળ ચાલુ છે. ફોરેન્સિક ટીમ પણ તપાસ કરી રહી છે. પોલીસે પણ તપાસ શરૂ કરી છે.
Trending News
લોહિયા 1992 બેચના આઈપીએસ અધિકારી હતા. લોહિયા લાંબા સમયથી સેન્ટ્રલ ડેપ્યુટેશન પર હતા પરંતુ ફેબ્રુઆરી 2022માં એડિશનલ ડાયરેક્ટર જનરલ ઑફ પોલીસ તરીકે જમ્મુ અને કાશ્મીર પરત ફર્યા હતા. તેઓ હોમગાર્ડ્સ/સિવિલ ડિફેન્સ/સ્ટેટ ડિઝાસ્ટર રિસ્પોન્સ ફોર્સ (SDRF)માં કમાન્ડન્ટ જનરલ તરીકે નિયુક્ત થયા હતા. ઓગસ્ટ 2022માં તેમને ડીજી જેલના પદ પર બઢતી આપવામાં આવી હતી. હેમંત લોહિયાને પત્ની, એક પુત્ર અને એક પુત્રી છે. પુત્રી પરિણીત છે, તે લંડનમાં રહે છે. જ્યારે પુત્રના લગ્ન આ વર્ષે ડિસેમ્બરમાં થવાના હતા.
આતંકવાદી સંગઠન TRF એ જવાબદારી લીધી
એચકે લોહિયાની હત્યાની જવાબદારી આતંકી સંગઠન TRFએ લીધી છે. પીપલ્સ એન્ટી ફાસીસ્ટ ફોર્સ ઓફ TRF એ નવું આતંકવાદી સંગઠન છે. તે કાશ્મીરમાં તાજેતરના તમામ હુમલાઓ માટે જવાબદાર છે, જેમાં બિન-સ્થાનિકોની હત્યાનો સમાવેશ થાય છે. TRFએ એક નિવેદન જારી કરીને જણાવ્યું હતું કે અમારી વિશેષ ટુકડીએ DG પોલીસ જેલ એચકે લોહિયાને જમ્મુના ઉદઇવાલામાં ગુપ્તચર ઓપરેશન હાથ ધરતી વખતે માર માર્યો હતો. આતંકવાદી સંગઠને કહ્યું કે, આ હાઈપ્રોફાઈલ ઓપરેશનની શરૂઆત છે. આ હિંદુત્વ શાસન અને તેમના સહયોગીઓ માટે ચેતવણી છે કે અમે ગમે ત્યાં કોઈપણ પર હુમલો કરી શકીએ છીએ. ગૃહમંત્રીને તેમની મુલાકાત પહેલા આ એક નાનકડી ભેટ છે. અમે ભવિષ્યમાં પણ આવી કામગીરી ચાલુ રાખીશું.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.