September 29, 2024
જમ્મુ-કાશ્મીર(Jammu-Kashmir)ના પુલવામા(Pulwama) જિલ્લાના પમ્પોર(Pampore) વિસ્તારમાં રહસ્યમય સંજોગોમાં પોલીસ સબ-ઇન્સ્પેક્ટર(Police Sub-Inspector)ની લાશ મળી આવતા ખળભળાટ મચી ગયો છે. તેમજ મૃતક એસઆઈના શરીર પર ગોળીઓના ઘણા નિશાન છે. સબ ઈન્સ્પેક્ટરની ઓળખ ફારુક અહેમદ મીર તરીકે થઈ છે, જે આઈઆરપીમાં તૈનાત હતા. તેઓ મિનિસ્ટ્રીયલ સ્ટાફમાંથી હતા.
પોલીસે કેસ નોંધીને તપાસ શરૂ કરી છે. પ્રાથમિક તપાસમાં પોલીસે માહિતી આપી છે કે સબ ઈન્સ્પેક્ટરનું પહેલા અપહરણ કરવામાં આવ્યું અને પછી ખેતરમાં લઈ જઈને ગોળી મારીને હત્યા કરી દીધી. પોલીસે મૃતદેહનો કબજો મેળવીને પોસ્ટમોર્ટમ માટે મોકલી આપ્યો છે.
વાસ્તવમાં, IRP 23 Bn માં પોસ્ટ કરાયેલા સંબુરાના ફારુક અહેમદ મીરનો મૃતદેહ તેના ઘરની નજીકના ડાંગરના ખેતરોમાં મળી આવ્યો હતો. પ્રારંભિક તપાસ સૂચવે છે કે તે ગઈકાલે સાંજે તેના ડાંગરના ખેતરોમાં કામ કરવા માટે ઘરેથી નીકળ્યો હતો, જ્યાં તેને આતંકવાદીઓએ પિસ્તોલ વડે ગોળી મારી હતી.
Trending News
તમને જણાવી દઈએ કે આ દિવસોમાં સેના કાશ્મીરમાં આતંકીઓ વિરુદ્ધ જબરદસ્ત કાર્યવાહી કરી રહી છે. પરંતુ આતંકવાદીઓ તેમની હરકતોથી બચી રહ્યા નથી. તાજેતરમાં, આતંકવાદીઓએ તહસીલ કર્મચારી રાહુલ ભટ્ટ, સ્થાનિક ટિક-ટોક સ્ટાર, મહિલા શિક્ષક અને બેંક કર્મચારીની ગોળી મારીને હત્યા કરી હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.