May 02, 2024
વડા પ્રધાન નરેન્દ્ર મોદી (Prime Minister Narendra Modi) એ શનિવારે તેમના તેમના માતા હીરાબેન મોદી (Hiraben Modi) ના જીવનના 100માં વર્ષમાં પ્રવેશતાં તેમના જન્મદિવસની ઉજવણી કરવા તેમના ગાંધીનગર (Gandhinagar) નિવાસસ્થાને મુલાકાત લીધી હતી. તેમની માતાને મળતાં વડાપ્રધાને તેમના પગ ધોયા અને તેમના આશીર્વાદ લીધા.
#WATCH | Gujarat: Prime Minister Narendra Modi met his mother Heeraben Modi at her residence in Gandhinagar on her birthday today.
Heeraben Modi is entering the 100th year of her life today. pic.twitter.com/7xoIsKImNN
— ANI (@ANI) June 18, 2022
ગાંધીનગરની હદમાં આવેલા રાયસણ ગામમાં વડાપ્રધાનના નાના ભાઈ પંકજ મોદી સાથે રહેતી હીરાબેન 18 જૂને તેમના જીવનના 100મા વર્ષમાં પ્રવેશ કરશે. આ પ્રસંગે વડનગરના હાટકેશ્વર મંદિરમાં પણ પૂજાનું આયોજન કરવામાં આવ્યું છે. બાદમાં, પીએમ તેમની વડોદરા મુલાકાત દરમિયાન વિવિધ સરકારી યોજનાઓના લાભાર્થીઓ સહિત લગભગ 4 લાખ લોકોને સંબોધિત કરશે.
આ કાર્યક્રમ સરદાર એસ્ટેટ પાસે આવેલી લેપ્રસી હોસ્પિટલમાં યોજાનાર છે. આ મહિનામાં પીએમ મોદીની ગુજરાતની આ બીજી મુલાકાત હશે. આ પહેલા 10 જૂને તેમની ગુજરાત મુલાકાત દરમિયાન તેમણે કહ્યું હતું કે ભાજપનું સત્તામાં આવવું એ સમાજ સેવા કરવાની તક છે. તેમણે રૂ. 3,000 કરોડથી વધુના પ્રોજેક્ટનું ઉદ્ઘાટન પણ કર્યું.
Trending News
રાજ્યના સીએમ તરીકેના તેમના કાર્યકાળને યાદ કરતા પીએમએ કહ્યું કે આ એક સન્માનની વાત છે કે તેમણે આટલા વર્ષો સુધી મુખ્યમંત્રી તરીકે કામ કર્યું, પરંતુ આદિવાસી વિસ્તારમાં આટલો મોટો કાર્યક્રમ અગાઉ ક્યારેય નહોતો થયો.
તેમણે કહ્યું કે, “આજે ભૂપેન્દ્રભાઈ અને ગુજરાત ભાજપ પ્રમુખ સી.આર. પાટીલની જોડીએ લોકોમાં ઉત્સાહ સાથે વિશ્વાસ જગાડ્યો છે, જેના પરિણામે આજે 5 લાખથી વધુ લોકો મારી સમક્ષ આવ્યા છે. હું જે ન કરી શક્યો તે મારા સાથીદારોએ કર્યું છે.”
PM રાજ્યની તેમની બે દિવસીય મુલાકાતના ભાગરૂપે અમદાવાદ પહોંચ્યા હતા અને રાજ્યપાલ આચાર્ય દેવવ્રત, મુખ્યમંત્રી ભૂપેન્દ્ર પટેલ અને અન્યોએ તેમનું સ્વાગત કર્યું હતું. દરમિયાન, ગુજરાતમાં ગાંધીનગર મ્યુનિસિપલ કોર્પોરેશન (GMC) એ વડાપ્રધાન નરેન્દ્ર મોદીના માતા હીરાબેન મોદી માટે રાજ્યની રાજધાનીમાં એક રોડનું નામ આપવાની જાહેરાત પાછી ખેંચી લીધી છે.
બુધવારે ભાજપ શાસિત નાગરિક સંસ્થાના મેયર હિતેશ મકવાણાએ જાહેરાત કરી હતી કે તેમણે રાયસણ ગામના એક રસ્તાને ‘પૂજ્ય હીરા માર્ગ’ નામ આપવાનું નક્કી કર્યું છે જેથી આવનારી પેઢી તેમના જીવનમાંથી પ્રેરણા લઈ શકે. જો કે, ગુરુવારે, જીએમસીએ એક નિવેદન જારી કરીને જણાવ્યું હતું કે નામકરણ સ્થગિત કરવામાં આવ્યું છે. હાલમાં રોડનું નામ આપી શકાય તેમ નથી, કારણ કે જીએમસીએ હજુ સુધી શહેરના રસ્તાઓના નામકરણ અંગે કોઈ નીતિ ઘડી નથી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
