November 05, 2024
Robbery Viral Video: તાજેતરમાં સ્ટેટ બેંક ઓફ ઈન્ડિયા (SBI)માંથી સોનું ઉપાડી ઘરે પરત ફરતી વખતે એક દંપતીએ દુ:ખદ ઘટનાનો સામનો કરવો પડ્યો હતો. પૂણે-સોલાપુરના વડાપાવના સ્ટોલ પર જ્યારે દશરથ નામનો વ્યક્તિ વડાપાંવ(Robbery Viral Video) ખાઈ રહ્યો હતો ત્યારે તેમની પત્ની જયશ્રી સ્કૂટર પાસે ઊભી હતી. દરમિયાન, સફેદ શર્ટ પહેરેલો વ્યક્તિ તેમની બેગ ચોરી કરે છે. જે બાદ જયશ્રીએ તેને જોયો અને મદદ માટે બૂમો પાડી, પરંતુ ત્યાં સુધીમાં ચોર ભાગી ગયો હતો.
આ ઘટનાનો વીડિયો વાયરલ થયો હતો અને લોકોએ તેના પર અલગ-અલગ પ્રતિક્રિયાઓ આપી હતી. કેટલાકે દંપતીની બેદરકારીને દોષી ઠેરવી, જ્યારે અન્યોએ ચોરની ચાલાકીની ટીકા કરી. આ ઘટનાએ આપણને કીમતી ચીજવસ્તુઓની સુરક્ષા પર ધ્યાન આપવાનો એક મહત્વનો પાઠ શીખવ્યો છે.
કેવી રીતે બની ઘટના?
આ ઘટના ત્યારે બની જ્યારે પૂણેના એક કપલ, જેઓ દિવસ માટે બહાર હતા, જે બાદ વડાપાવના સ્ટોલ પર નાસ્તો કરતા હતા તે દરમિયાન ઈસમ સ્કૂટર પાસે આવ્યો અને તક ઝડપીને સ્કૂટર પર રાખેલી બેગની ચોરી કરી. આ બેગમાં અંદાજે 4.9 લાખ રૂપિયાના સોનાના દાગીના હતા. ચોરીની સમગ્ર ઘટના ત્યાં લગાવેલા સીસીટીવી કેમેરામાં કેદ થઈ ગઈ હતી, જે હાલ સોશિયલ મીડિયા પર વાયરલ થઈ રહી છે.
Trending News
વીડિયોમાં શું બતાવવામાં આવ્યું?
વીડિયોમાં જોઈ શકાય છે કે કપલ વડાપાવના સ્ટોલ પર ઊભું છે, જ્યારે ચોર તેમના સ્કૂટર પાસે આવે છે અને ઝડપથી થેલી લઈને ભાગી જાય છે. ચોર એટલી ઝડપથી અને ચતુરાઈથી કામ કરે છે કે દંપતીને ખ્યાલ પણ નથી આવતો કે તેમના કિંમતી ઘરેણાં ચોરાઈ ગયા છે. જ્યારે તેઓએ તેમના સ્કૂટર તરફ જોયું તો બેગ ગાયબ હતી, જેના કારણે તેઓ ચોરીનો શિકાર બન્યા હોવાનો અહેસાસ થયો હતો. સ્ત્રી ચોરની પાછળ દોડવા લાગે છે.
In Pune, a couple’s gold jewellery valued at ₹4.95 lakh was stolen while they paused to buy vada pav after retrieving it from a bank
pic.twitter.com/VKRll2OWpb— Ghar Ke Kalesh (@gharkekalesh) August 30, 2024
પોલીસે તપાસ હાથ ધરી
આ ઘટનાની પોલીસને જાણ કરવામાં આવી છે, અને પોલીસ હવે આ ચોરીની તપાસ કરી રહી છે. પોલીસ સીસીટીવી ફૂટેજના આધારે ચોરને ઓળખવાનો પ્રયાસ કરી રહી છે. આવી ઘટનાઓ લોકોને તેમના કીમતી સામાનની સલામતીનું ધ્યાન રાખવાની ચેતવણી તરીકે સેવા આપે છે, ખાસ કરીને જ્યારે તેઓ બહાર હોય ત્યારે.
લોકોએ આપી પ્રતિક્રિયા
એક્સ યુઝરે કહ્યું, તેઓ રેન્ડમ ચોર હોય તેવું લાગતું નથી, બેંકમાંથી જ તેમની રેકી કરી હોય તેવું લાગી રહ્યું છે અને જ્યારે તેઓએ તક જોઈ ત્યારે ચોરી કરી હતી, બીજાએ કહ્યું, “મૂર્ખ લોકો જે નથી જાણતા કે આટલી મોંઘી વસ્તુઓ કેવી રીતે સુરક્ષિત રાખવી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App