Liquor came out from hand pump instead of water: તમે ઘણીવાર હેન્ડપંપમાંથી પાણી નીકળતું જોયું હશે, પરંતુ ઝાંસીમાં અચાનક હેન્ડપંપમાંથી કાચો દારૂ નીકળવા લાગ્યો. આ જોઈને બધાને નવાઈ લાગી. તહેવારોના દિવસોમાં એક્સાઇઝ વિભાગના દરોડાનો દોર જારી રહ્યો છે. દરમિયાન હેન્ડપંપમાંથી કાચો દારૂ નીકળતો હોવાની બાતમી મળી હતી. પોલીસકર્મીઓએ અધિકારીઓની સામે હેન્ડપંપ ચલાવ્યો ત્યારે કાચો દારૂ નીકળવા(Liquor came out from hand pump instead of water) લાગ્યો હતો. હેન્ડપંપ ચલાવીને 80 લીટર જેટલો દારૂ ઝડપાયો હતો.
હેન્ડપંપમાંથી દારૂ નીકળવાનો મામલો મૌરાનીગંજ પોલીસ સ્ટેશન વિસ્તારના બસરિયા ડેરાનો છે. આબકારી વિભાગને બાતમી મળી હતી કે અહીં મોટા પ્રમાણમાં કાચો દારૂ બનાવીને વેચવામાં આવી રહ્યો છે. વિભાગે આ અંગે કાર્યવાહી કરી દરોડા પાડ્યા હતા, પરંતુ એક્સાઈઝની ટીમને કંઈ મળ્યું ન હતું. આ પછી હેન્ડપંપમાંથી પાણીને બદલે કાચો દારૂ નીકળતો હોવાની માહિતી મળી હતી. આના પર અધિકારીઓ ઘટનાસ્થળે પહોંચ્યા અને હેન્ડપંપ ચાલુ કરવામાં આવ્યો ત્યારે તેમાંથી 80 લિટર કાચો દારૂ નીકળ્યો.
હેન્ડપંપમાંથી કાચો દારૂ
મળતી માહિતી મુજબ, આ વિસ્તારની એક મહિલા કાચો દારૂ બનાવીને વેચવાનું કામ કરે છે. પકડાઈ જવાના ડરથી તેણે એક ટાંકી જમીનમાં દાટી દીધી હતી. તે આમાં દારૂ છુપાવતી હતી, પરંતુ હવે તેનું રહસ્ય ખુલી ગયું છે. આ પછી, પોલીસે સમગ્ર વિસ્તારમાં કાર્યવાહી કરી અને બુલડોઝિંગ શરૂ કર્યું. આ કામગીરી દરમિયાન સેંકડો લીટર દારૂનો જથ્થો મળી આવ્યો હતો. તેનો નાશ થયો છે. તેમજ દારૂનું વેચાણ કરતા લોકોની ધરપકડ કરવામાં આવી છે.
બુલડોઝર વડે દારૂની ટાંકીનો નાશ કરાયો
આ કાર્યવાહી દરમિયાન આબકારી વિભાગની ટીમ અને સ્થાનિક પોલીસની ટીમ સ્થળ પર હાજર હતી. અહીંના હેન્ડપંપમાંથી કાચો દારૂ નીકળતો હોવાનો દાવો કરવામાં આવી રહ્યો હતો. હવે પોલીસે અહીંથી દારૂ કબજે કરીને આરોપીની ધરપકડ કરી છે. તેની સામે કાર્યવાહી કરવામાં આવી રહી છે. ભૂગર્ભ ટાંકીને પણ બુલડોઝરનો ઉપયોગ કરીને તોડી પાડવામાં આવી છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- અમારું ફેસબુક પેજ લાઈક કરો અને ફોન પર અપડેટ્સ મેળવતા રહો.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
Be the first to comment on "હેન્ડપંપમાંથી પાણીને બદલે નીકળવા લાગ્યો દારૂ, નજારો જોઈને પોલીસ રહી ગઈ દંગ- જાણો શું છે સમગ્ર મામલો"