ગુજરાતમાં ઓટોમોબાઇલ્સ ઉદ્યોગ વધવાને બદલે થઈ રહ્યા છે બંધ? આ ઇન્ટરનેશનલ કંપનીએ કાર ઉત્પાદન પર મારી કાયમી બ્રેક

આજના સમયમાં મોટાભાગના લોકો ફોર-વ્હીલર લેવાનું સપનું જોઈ રહ્યા છે ત્યારે કંપનીઓ બંધ થવા લાગી હોય એવું જણાએ રહ્યું છે. હાલમાં સામે આવી રહેલ જાણકારી પ્રમાણે, અંદાજે 2 અબજ ડૉલરનું નુકસાન થયા બાદ અમેરિકન કાર કંપની ફોર્ડની ભારતીય સહયોગી ફોર્ડ ઈન્ડિયાએ પોતાના પ્લાન્ટ બંધ કરી દેનો નિર્ણય લીધો છે.

ફોર્ડ ઈન્ડિયા દ્વારા પોતાના સ્ટાફને આ વાતની જાણ કરી દેવામાં આવી છે કે, તેઓ સમગ્ર ભારત દેશમાં કાર મેન્યુફેક્ચરિંગ પ્લાન્ટ બંધ કરવા જઇ રહી છે ત્યારે ફોર્ડ ઈન્ડિયાના આ નિર્ણયથી 4000થી વધુ સ્ટાફની નોકરી જતી રહેશે. જેને કારણે બેરોજગારી ઉભી થશે.

આની સાથે જ ફોર્ડ ઈન્ડિયાના ટોપ મેનેજમેન્ટ પોતાના સ્ટાફને જણાવે છે કે, ફોર્ડ ફિગો, ફોર્ડ ફ્રીસ્ટાઇલ જેવા મોડલનું ઉત્પાદન બંધ કરવાની પ્રક્રિયા ખુબ ઝડપથી ચાલી રહી છે ત્યારે ફોર્ડ ઈન્ડિયાના મેનેજમેન્ટ દ્વારા આયોજિત ટાઉન હોલ કાર્યક્રમમાં આ વાતની જાહેરાત કરી દેવામાં આવી છે.

વેચાણ ખૂબ જ નબળું:
ફોર્ડ ઈન્ડિયાની ભારત દેશમાં બિઝનેસ સફર એટલી સારી રહી નથી. પાછલા કેટલાક વર્ષથી કંપની ભારતીય માર્કેટમાં કારના વેચાણમાં વધારો કરવામાં નિષ્ફળ નીવડી છે. આની સાથે જ ફોર્ડ ઈન્ડિયાની કારની નિકાસમાં પણ ઘટાડો થઈ રહ્યો છે તેમજ નવા પ્રોડક્ટ લોન્ચ કરવામાં મોડુ થવાને કારણે ઘરેલૂ બજારમાં ફોર્જ ઈન્ડિયાની હિસ્સેદારી ખુબ ઝડપથી ઘટી રહી છે.