નહીવત રૂપિયા માટે યુવકની કુહાડીના 17થી વધારે ઘા ઝીંકી મોતને ઘાટ ઉતાર્યો- CCTV થયા વાઈરલ

આજકાલ હત્યાની ઘટનામાં દિવસેને દિવસે વધારો જોવા મળી રહ્યો છે આ દરમિયાન જૂનાગઢમાંથી ગઈકાલે એક યુવાનની જાહેરમાં હત્યા કરી નાખવામાં આવી હતી. હત્યા મામલે હવે નવા ખુલાસા થયા છે. આ ઉપરાંત હત્યાના સીસીટીવી ફૂટેજ પણ સામે આવ્યા છે. યુવકને કુહાડીના 17થી વધારે ઘા ઝીંકીને હત્યા કરવામાં આવી હતી.

જાણવા મળ્યું છે કે, યુવાનની હત્યા ત્રણ હજાર રૂપિયા માટે કરી નાખવામાં આવી હતી. આ મામલે જે સીસીટીવી ફૂટેજ સામે આવ્યા છે તે અરેરાટી ફેલાવે તેવા છે. સીસીટીવીમાં યુવકને રસ્તા પર પડેલો જોઈ શકાય છે. યુવક બાઇક લઈને જઈ રહ્યો હતો ત્યારે તેને આંતરીને હત્યા કરવામાં આવી હતી.

આ અંગે જે સીસીટીવી સામે આવ્યા છે તેમાં જોઈ શકાય છે કે, એક વ્યક્તિ પોતાના હાથમાં કુડાહી વડે જમીન પર પડેલા વ્યક્તિ પર સતત પ્રહાર કરી રહ્યો છે. આ દરમિયાન નજીકમાં એક રિક્ષા ઊભેલી હોય છે. યુવક પર હુમલો થતો જોઈને રિક્ષા ચાલક ત્યાંથી ભાગી જાય છે.

આ દરમિયાન હત્યારો કુડાડીથી સતત વાર કરી રહ્યો છે. આ દરમિયાન એક મહિલાને પણ સીસીટીવી ફૂટેજમાં જોઈ શકાય છે. જે હત્યારાને કંઈક કહે છે અને બાદમાં ત્યાંથી ચાલી જાય છે. હત્યારો એટલો ક્રૂર છે કે એક પછી એક કુહાડીનો પ્રહાર કરતો જ જાય છે. સીસીટીવી ફૂટેજમાં મૃતકના શરીરના ટૂકડા પથરાયેલા જોવા મળે છે.