March 06, 2025
Gold Smuggling News: કર્ણાટક કેડરના સિનિયર આઈપીએસ અધિકારીની દીકરી અને કન્નડ ફિલ્મ એક્ટ્રેસને ડીઆરઆઈએ ધરપકડ કરી છે. આરોપ છે કે એક્ટ્રેસે પોતાની (Gold Smuggling News) સાથે 14 કિલોથી વધારે સોનાની તસ્કરી કરી રહી હતી. એક્ટ્રેસનું નામ રાન્યા રાવ હોવાનું કહેવાય છે. રાન્યા રાવ કર્ણાટક કેડરના સિનિયર આઈપીએસ અધિકારીની દીકરી છે. રાન્યાને ડીઆરઆઈએ તેમના પતિ સાથે ધરપકડ કરી છે.
14 કિલોથી વધારે સોના સાથે ધરપકડ
પ્રાપ્ત વિગતો અનુસાર જોઈએ તો, રાન્યા રાવને તેના પતિ સાથે સોમવારે મોડી સાંજે બેંગલુરુના ઈન્ટરનેશનલ એરપોર્ટ પરથી ધરપકડ કરી છે. આરોપ છે કે તે પોતાના પતિ સાથે 14.8 કિલો ગોલ્ડ સ્મગલિંગ કરવાની કોશિશ કરી રહી હતી. બંને દિલ્હી એરપોર્ટથી બેંગલુરુ ઈન્ટરનેશનલ એરપોર્ટ માટે રવાના થયા હતા. તેને અને તેમના પતિને 18 માર્ચ સુધી જ્યૂડિશિયલ કસ્ટડીમાં મોકલી દેવામાં આવ્યા છે. રાન્યા રાવના પિતા કર્ણાટકમાં સિનિયર આઈપીએસ અધિકારી છે.
સોનાની દાણચોરીના આરોપમાં રાન્યાની ઘણી વખત ધરપકડ કરવામાં આવી હોવાના અહેવાલ છે. તપાસ બાદ ડીઆરઆઈએ તેમને અને તેમના પતિની ધરપકડ કરી હતી અને બંનેને 18 માર્ચ સુધી ન્યાયિક કસ્ટડીમાં મોકલી દેવામાં આવ્યા છે. અહીં ઉલ્લેખનિય છે કે રાન્યા કન્નડ સુપરસ્ટાર સુદીપ સાથે ફિલ્મ ‘માનિક્ય’માં કામ કર્યું છે. આ સિવાય તેમણે દક્ષિણની અન્ય ફિલ્મોમાં પણ કામ કર્યું છે.
Trending News
કપડાંમાં છુપાયેલું હતું સોનું
રાન્યા, જે સોમવારે રાત્રે દુબઈથી અમીરાતની ફ્લાઇટમાં બેંગલુરુ પહોંચી હતી, તે વારંવાર આંતરરાષ્ટ્રીય મુસાફરીને કારણે ડીઆરઆઈના રડાર પર હતી. અધિકારીઓએ જણાવ્યું હતું કે તેઓ મોટાભાગની સોનાની દાણચોરી કરવામાં સફળ રહ્યા હતા અને તેઓ તેમના કપડાંમાં છુપાવી લાવ્યા હતા. રાન્યા કર્ણાટકમાં તૈનાત ડીજીપી રેન્કના આઈપીએસ અધિકારીની પુત્રી છે.
DRI એ નોંધ્યું છે કે, રાન્યા છેલ્લા 15 દિવસમાં ચાર વખત દુબઈ ગઈ હતી. આનાથી એજન્સીને શંકા થઈ હતી. આથી, DRI એ અભિનેત્રીની ગતિવિધિઓ પર નજર રાખવાનું શરૂ કર્યું હતું. એજન્સીને ગુપ્ત માહિતી મળી હતી કે, તે દુબઈથી બેંગલુરુ આવી રહી છે અને તેની સાથે મોટી માત્રામાં સોનું લઈને જઈ રહી છે. આ ગુપ્ત માહિતીના આધારે, એજન્સીએ અભિનેત્રી રાન્યા રાવને કેમ્પેગૌડા આંતરરાષ્ટ્રીય વિમાનમથક પર પહોંચતા અટકાવી અને તેની તપાસ કરી, અને તેની પાસેથી 14.8 કિલો સોનું જપ્ત કર્યું હતું. આ સોનાની બજાર કિંમત લગભગ 12 કરોડ રૂપિયા છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App