November 24, 2024
સાઉથ સુપરસ્ટાર યશ (South superstar Yash)ની KGF 2 ફરી એકવાર બોક્સ ઓફિસ પર કમાણીનો નવો ઈતિહાસ રચવા જઈ રહ્યો છે. આ ફિલ્મને લઈને જબરદસ્ત ચર્ચા ચાલી રહી છે. રિલીઝ પહેલા, KGF 2 એ એડવાન્સ બુકિંગમાં મોટી ફિલ્મોને માત આપી દીધી છે. એવી અપેક્ષા રાખવામાં આવે છે કે, યશની KGF 2 કમાણીની બાબતમાં ‘પુષ્પા(Pushpa)’ અને ‘RRR’ની કમાણીને પછાડી દેશે.
KGF 2 એ નવો રેકોર્ડ બનાવ્યો:
1 : KGF 2 એ મહામારી પછીના યુગની પ્રથમ હિન્દી ફિલ્મ છે જે 4000 થી વધુ સ્ક્રીનમાં રિલીઝ થઈ છે. બોક્સ ઓફિસ ઈન્ડિયાના રિપોર્ટ અનુસાર, ફિલ્મનું હિન્દી વર્ઝન 4400થી વધુ સ્ક્રીન પર રિલીઝ કરવામાં આવ્યું છે. એવો દાવો કરવામાં આવે છે કે ફિલ્મના હિન્દી વર્ઝનની રિલીઝના એક દિવસ પહેલા 20 કરોડ રૂપિયાની ટિકિટો વેચાઈ હતી. એડવાન્સ બુકિંગના સંદર્ભમાં, KGF 2 એ બાહુબલી 2, એવેન્જર્સ એન્ડગેમને પણ પછાડી દીધી છે.
2 : વેપાર વિશ્લેષકો આગાહી કરે છે કે KGF 2 બમ્પર ઓપનીંગ કરશે. KGF 2 નું હિન્દી વર્ઝન પ્રથમ દિવસે 50 કરોડની કમાણી કરે તેવી અપેક્ષા છે. 50 કરોડ સાથે ખાતું ખોલીને, આ ફિલ્મ બાહુબલી 2 (41 કરોડ), વૉર (53.35 કરોડ) અને ઠગ્સ ઑફ હિન્દોસ્તાન (52.25 કરોડ)ના ઓપનિંગ કલેક્શનને મજબૂત સ્પર્ધા આપશે.
Trending News
3 : KGF 2 વિશે બનેલી બઝનો અંદાજ એ વાત પરથી લગાવી શકાય છે કે ફિલ્મના ટીઝર અને ટ્રેલરે વ્યુઝની દ્રષ્ટિએ રેકોર્ડ બનાવ્યો છે. આ પહેલી ભારતીય ફિલ્મ છે જેના ટીઝરને 250 મિલિયન વ્યુઝ મળ્યા છે. તે જ સમયે, તેનું ટ્રેલર એ ભારતીય ટ્રેલર છે જેને પ્રથમ 24 કલાકમાં સૌથી વધુ વ્યૂઝ મળ્યા છે. તેને પાંચેય ભાષાઓમાં 109 મિલિયન વ્યૂઝ મળ્યા છે.
4 : KGF 2 ગ્રીસમાં રિલીઝ થનારી પ્રથમ કન્નડ ફિલ્મ બની. સૌથી અદ્ભુત વાત એ છે કે યશની KGF 2 વિશ્વભરમાં 10,000 સ્ક્રીન્સ પર રિલીઝ થનારી પ્રથમ કન્નડ ફિલ્મ છે. IMAX ફોર્મેટમાં રિલીઝ થનારી આ પહેલી કન્નડ ફિલ્મ છે.
5 : ફિલ્મ KGF 2 મોટા બજેટમાં બનાવવામાં આવી છે. તે સૌથી મોંઘી કન્નડ ફિલ્મોમાંની એક છે. તેનું બજેટ 100 કરોડ હોવાનું કહેવાય છે. પહેલો ભાગ 80 કરોડમાં બન્યો હતો.
જે રીતે KGF 2 એ નવા રેકોર્ડ બનાવ્યા છે. આ ફિલ્મ તાજેતરની રિલીઝ થયેલી RRR અને પુષ્પાના બોક્સ ઓફિસ કલેક્શનને ધૂળ ચડાવી દે તેવી શક્યતાઓ વધારે છે. KGF 2 કન્નડ, તમિલ, તેલુગુ, હિન્દી અને મલયાલમ ભાષાઓમાં રિલીઝ કરવામાં આવી છે. તે પ્રશાંત નીલ દ્વારા નિર્દેશિત છે. આ ફિલ્મમાં બોલિવૂડ સ્ટાર્સ સંજય દત્ત અને રવિના ટંડન મહત્વની ભૂમિકામાં છે. ફિલ્મનો પહેલો ભાગ 2018માં રિલીઝ થયો હતો. ત્યારે KGF કન્નડ ઉદ્યોગની સૌથી વધુ કમાણી કરનારી ફિલ્મ સાબિત થઈ હતી.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.