ભારતીય ફિલ્મ જગતમાં ત્સુનામી લાવશે KGF-2: જાણો પહેલા જ દિવસે કેટલા રેકોર્ડ તોડ્યા

સાઉથ સુપરસ્ટાર યશ (South superstar Yash)ની KGF 2 ફરી એકવાર બોક્સ ઓફિસ પર કમાણીનો નવો ઈતિહાસ રચવા જઈ રહ્યો છે. આ ફિલ્મને લઈને જબરદસ્ત ચર્ચા ચાલી રહી છે. રિલીઝ પહેલા, KGF 2 એ એડવાન્સ બુકિંગમાં મોટી ફિલ્મોને માત આપી દીધી છે. એવી અપેક્ષા રાખવામાં આવે છે કે, યશની KGF 2 કમાણીની બાબતમાં ‘પુષ્પા(Pushpa)’ અને ‘RRR’ની કમાણીને પછાડી દેશે.

KGF 2 એ નવો રેકોર્ડ બનાવ્યો:
1 : KGF 2 એ મહામારી પછીના યુગની પ્રથમ હિન્દી ફિલ્મ છે જે 4000 થી વધુ સ્ક્રીનમાં રિલીઝ થઈ છે. બોક્સ ઓફિસ ઈન્ડિયાના રિપોર્ટ અનુસાર, ફિલ્મનું હિન્દી વર્ઝન 4400થી વધુ સ્ક્રીન પર રિલીઝ કરવામાં આવ્યું છે. એવો દાવો કરવામાં આવે છે કે ફિલ્મના હિન્દી વર્ઝનની રિલીઝના એક દિવસ પહેલા 20 કરોડ રૂપિયાની ટિકિટો વેચાઈ હતી. એડવાન્સ બુકિંગના સંદર્ભમાં, KGF 2 એ બાહુબલી 2, એવેન્જર્સ એન્ડગેમને પણ પછાડી દીધી છે.

2 : વેપાર વિશ્લેષકો આગાહી કરે છે કે KGF 2 બમ્પર ઓપનીંગ કરશે. KGF 2 નું હિન્દી વર્ઝન પ્રથમ દિવસે 50 કરોડની કમાણી કરે તેવી અપેક્ષા છે. 50 કરોડ સાથે ખાતું ખોલીને, આ ફિલ્મ બાહુબલી 2 (41 કરોડ), વૉર (53.35 કરોડ) અને ઠગ્સ ઑફ હિન્દોસ્તાન (52.25 કરોડ)ના ઓપનિંગ કલેક્શનને મજબૂત સ્પર્ધા આપશે.

3 : KGF 2 વિશે બનેલી બઝનો અંદાજ એ વાત પરથી લગાવી શકાય છે કે ફિલ્મના ટીઝર અને ટ્રેલરે વ્યુઝની દ્રષ્ટિએ રેકોર્ડ બનાવ્યો છે. આ પહેલી ભારતીય ફિલ્મ છે જેના ટીઝરને 250 મિલિયન વ્યુઝ મળ્યા છે. તે જ સમયે, તેનું ટ્રેલર એ ભારતીય ટ્રેલર છે જેને પ્રથમ 24 કલાકમાં સૌથી વધુ વ્યૂઝ મળ્યા છે. તેને પાંચેય ભાષાઓમાં 109 મિલિયન વ્યૂઝ મળ્યા છે.