પહેલા બોલરે લીધી હેટ્રિક, તેની બીજી જ ઓવરમાં છ બોલમાં પડી છ સિક્સર- જુઓ ધુલાઈનો વિડીયો

વેસ્ટ ઇન્ડીઝના કેપ્ટન કિરોન પોલાર્ડે વર્ષો પછી બીજીવાર ઈતિહાસ રચી દીધો છે. આજથી 14 વર્ષ પહેલા ભારતીય ક્રિકેટ ટીમના ખેલાડી યુવરાજ સિંહે એક ઓવરમાં 6 સિક્સર ફટકારી હતી. અને આ રેકોર્ડની બરાબરી કોઈ નહોતું કરી શક્યું પણ આજે વેસ્ટ ઇન્ડીઝના કેપ્ટન કિરોન પોલાર્ડે આ શક્ય કરી બતાવ્યું છે. 33 વર્ષીય કેરેબિયન ક્રિકેટરે શ્રીલંકા સામે એન્ટિગામાં પ્રથમ ટી-20 આંતરરાષ્ટ્રીય મેચમાં એક ઓવરમાં 6 સિક્સર ફટકારી અનોખો વિક્રમ સર્જ્યો છે. અને હાલમાં બે જ એવા ખેલાડી છે જે આ સિદ્ધિ હાંસલ કેઈ શક્યા છે.

Take a bow Skipper!? ? ? ? ? ? The 1st West Indian to hit 6️⃣ sixes in an over in a T20I!? #WIvSL #MenInMaroon

Live Scorecard⬇️ https://t.co/MBDOV534qQ pic.twitter.com/etkxX7l7bq

— Windies Cricket (@windiescricket) March 4, 2021

પોલાર્ડ ટી-20 આંતરરાષ્ટ્રીય ઇતિહાસમાં આ સિદ્ધિ હાંસલ કરનારો બીજો બેટ્સમેન બન્યો છે. સૌ પ્રથમ, આ સિદ્ધિ ભારતના યુવરાજસિંહે કરી હતી. 2007 ટી-20 વર્લ્ડ કપ દરમિયાન તેણે ઇંગ્લેન્ડ સામેની મેચમાં એક ઓવરમાં 6 સિક્સર ફટકારી હતી. ત્યારબાદ આ ભારતીય ઓલરાઉન્ડરે ગ્રુપ મેચ દરમિયાન સ્ટુઅર્ટ બ્રોડની એક ઓવરમાં 36 રન કર્યા હતા.

અહિયાં ખાસ વાત તો એ છે કે, પોલાર્ડએ જેની ઓવરમાં છ સિક્સ મારી હતી, એ જ બોલરે એક ઓવર પહેલા એકસાથે સળંગ ત્રણ વિકેટો ઝડપી લીધી હતી અને વેસ્ટ ઇન્ડીઝને મુશ્કેલીમાં મૂકી દીધું હતું અને આ જ સમયે સુકાની કિરોન પોલાર્ડેએ છ બોલમાં છ સિક્સ ફટકારી મેચને પોતાના હાથમાં પાછી લીધી હતી. આ ઇનિંગ્સમાં હેટ્રિક લેનાર અકિલા ધનંજયની એક ઓવરમાં વેસ્ટ ઇન્ડીઝના કેપ્ટન પોલાર્ડે 6 સિક્સર ફટકારી હતી. રસપ્રદ વાત એ છે કે તેણે સતત ત્રણ બોલમાં ઇવિન લુઇસ, ક્રિસ ગેલ અને નિકોલસ પૂરણને આઉટ કર્યા હતા. પરંતુ પોલાર્ડના ઉતરતાની સાથે જ તેનો શ્રી લંકાને પરસેવો છુટી ગયો હતો.