કાશ્મીરના કુલગામમાં ભારતીય યોદ્ધાઓએ પાંચ આતંકીઓનો કર્યો સફાયો

જમ્મુ અને કાશ્મીરના કુલગામ જિલ્લામાં સુરક્ષા દળો સાથે ચાલી રહેલી અથડામણમાં પાંચ આતંકવાદીઓ માર્યા ગયા હતા. આ માહિતી કશ્મીતના કુલગામના સ્થાનિક પોલીસે આપી હતી. હાલમાં (Kulgam encounter) ઓપરેશન અંતિમ તબક્કામાં છે, પોલીસે જણાવ્યું હતું કે, માર્યા ગયેલા આતંકવાદીની ઓળખ મેળવવામાં આવી રહી છે.

જમ્મુ અને કાશ્મીર પોલીસના જણાવ્યા અનુસાર, કુલગામ જિલ્લાના ડીએચ પોરા વિસ્તારના સામનો વિસ્તારમાં ગુરુવારે બપોરે એન્કાઉન્ટર (Kulgam encounter) શરુ થયું  હતું. કાશ્મીર ઝોન પોલીસે X પર એક પોસ્ટમાં લખ્યું છે કે, “દિવસ 2: કુલગામ પોલીસ, આર્મી અને CRPF દ્વારા પાંચ આતંકવાદીઓને ઠાર કરવામાં આવ્યા. ગુનાહિત સામગ્રીઓ મળી આવી. ઓપરેશન અંતિમ તબક્કામાં; વિસ્તારને ખાલી કરવામાં આવી રહ્યો છે,”

પોલીસે અગાઉ પુષ્ટિ કરી હતી કે સુરક્ષા દળો અને સરહદ પારથી આતંકવાદીઓ વચ્ચે ભારે ગોળીબાર હજુ પણ ચાલુ છે. આતંકવાદીઓ સામેના સંયુક્ત ઓપરેશનમાં સેનાની 34 રાષ્ટ્રીય રાઈફલ્સ, 9 પેરા (એલિટ સ્પેશિયલ ફોર્સ યુનિટ), પોલીસ અને સીઆરપીએફ સામેલ છે. રાત્રિ દરમિયાન ગામને ઘેરી લેવામાં આવ્યું હતું અને એન્કાઉન્ટર સ્થળની નજીક લાઇટો લગાવવામાં આવી હતી.

જ્યારે સુરક્ષા દળોએ આતંકવાદીઓ જ્યાં ફસાયા હતા તે વિસ્તારની આસપાસ ચુસ્ત કોર્ડન જાળવી રાખ્યું હતું, જ્યારે ઓપરેશન રાતોરાત સ્થગિત કરવામાં આવ્યું હતું, અધિકારીઓએ જણાવ્યું હતું.