September 29, 2024
સમગ્ર રાજ્યમાં જયારે ચોરીના બનાવોમાં સતત વધારો થઈ રહ્યો છે ત્યારે હાલમાં પણ ફરી એકવાર આવી જ એક ઘટના સામે આવી છે. કચ્છમાં ગઈકાલે રાત્રે એક ખેલાયેલ ખૂની ખેલમાં ATMના સિક્યોરિટી ગાર્ડની કરપીણ હત્યાનો બનાવ સામે આવી રહ્યો છે.
અંજારમાં આવેલ ATM માં લૂંટના ઈરાદે આવેલ ઈસમોએ સિક્યોરિટી ગાર્ડની છરીના ઘા ઝીંકીની નિર્મમ હત્યા કરી નાખતા પોલીસ તંત્ર દોડતું થયું છે. ઘટના સર્જાયા પછી જિલ્લા પોલીસ વડા સહિતનો કાફલો ઘટનાસ્થળે પહોંચી ગયો હતો. સિક્યોરિટી ગાર્ડના ગળામાં તથા છાતીમાં છરીના ઊપરાછાપરી ઘા ઝીંકાતા તેનું મોત થયું હતું.
Trending News
જો કે, સિક્યોરિટી ગાર્ડ યુવક જુવાનજોધ હતો તેમજ ફક્ત 21 વર્ષનો હતો. આ ગાર્ડ મૂળ ભાભર ગામનો રહેવાસી હોવાનું જાણવા મળી રહ્યું છે. મૃતક સિક્યોરિટી ગાર્ડના સાળાએ પોલીસને જાણ કરતા પોલીસ દ્વારા તપાસ શરૂ કરી દેવામાં આવી હતી. આ ઘટના એટલી ઘાતકી છે કે, સિક્યોરિટી ગાર્ડના લોહીથી ATMમાં લોહીનું ખાબોચીયું ભરાઈ ગયું હતું.
આ દરમિયાન ATMમાં તોડફોડ થયેલી જોવા મળે છે કે, જેને આધારે એ આશંકા પ્રબળ બની રહી છે કે, લૂંટના ઈરાદે આવેલ શખ્સોએ ઘટનાને અંજામ આપવા માટે નડતરરૂપ થતા ગાર્ડની હત્યા કરી નાંખી હોય. જો કે, લૂંટનો બનાવ સામે આવ્યો નથી. પોલીસ દ્વારા ટેકનિકલ સર્વેલન્સને આધારે હત્યારાઓને પકડી પાડવા માટેની તપાસ શરૂ કરી દેવામાં આવી છે.
નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે. લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો ત્રિશુલ ન્યુઝની એન્ડ્રોઇડ એપ મોબાઇલ એપ્લિકેશન. અથવા Google Play Store માં જઈને Trishul News સર્ચ પણ કરી શકો છો. https://play.google.com/store/apps/details?id=com.trishul.news અમારું ફેસબુક પેજ લાઈક કરો અને ફોન પર અપડેટ્સ મેળવતા રહો. અમારા ટેલીગ્રામ ગ્રુપ માં જોડાઈને મેળવો તમામ અપડેટ: https://t.me/trishulnews ગુગલ ન્યુઝમાં ફોલો કરો: http://bit.ly/TrishulNewsOnGoogle