કોંગી ધારાસભ્ય અશ્લીલ પોસ્ટ કરીને ભેરવાયા- જાણો શું છે સમગ્ર ઘટના

ગુજરાત કોંગેસ પાર્ટીના ધારાસભ્ય સરકારનો વિરોધ કરવામાં પોતાની મર્યાદા ભૂલ્યા છે. ધોરાજીના ધારાસભ્ય લલિત વસોયાએ દેશના નાણાપ્રધાન નિર્મલા સીતારમનના મોંઘવારીના નિવેદનનો વિરોધ કરવા માટે તેમને પોતાના ફેસબુક એકાઉન્ટ પર નાણા મંત્રીના નિવેદનની સાથે એક પોસ્ટર અપલોડ કર્યું છે. લલિત વસોયાના પોસ્ટરમાં લખવામાં આવ્યું હે કે, એલા એ ય આ કયાંક હવે એવું ન કહે તો સારું, વાયગ્રાને કારણે ભારતમાં વસ્તી વધી, મોદી પછી ફેંકવામાં આને જરૂર ગોલ્ડ મેડલ મળે.

આ મામલે લલિત વસોયાએ જણાવતા કહ્યું હતું કે, નાણામંત્રી નિર્મલા સીતારમને નિવેદન આપતા કહ્યું હતું કે, દેશમાં કોરોનાના કારણે મોંઘવારી વધશે. કોરોના વાયરસ ચીનમાં થયો છે તો મોંઘવારી ભારતમાં શા માટે વધે. દેશની અંદર શાકભાજીના ભાવ અને જીવન જરૂરીયાતની વસ્તુના ભાવને કોરોના વાયરસની સાથે શું લેવાદેવા છે.

આવા વિવાદિત નિવેદનો કરીને દેશની જનતાનું ધ્યાન બીજે દોરતા હોય છે. આની પહેલા પણ કહ્યું હતું કે, ગાંધીજીએ દેશની લડાઈમાં ભાગ નથી લીધો ગાંધીજીની લડતની વાત છે તે એક નાટક છે. આવા નિવેદન પર મેં એક શંકા વ્યક્ત કરી છે કે, આવતા દિવસોની અંદર આ દેશના નાણા મંત્રી એવું નિવેદન ન કરે કે, આ દેશનો વસ્તી વધારો વાયગ્રાની હિસાબે છે.