આ હર્બલ ટી પીવાથી થઇ જશે કોરોનાનો ખાત્મો, આ દેશના રાષ્ટ્રપતિએ કર્યો દાવો

આખી દુનિયામાં કોરોનાવાયરસ આ સમયે પોતાનો કહેર વરસાવી રહ્યો છે અને ઘણા પ્રયત્નો છતાં વૈજ્ઞાનિકો, વિશેષજ્ઞનો અને ડોક્ટરો તેનો ઈલાજ નથી શોધી શક્યા.દરેક દિવસે આ વાયરસને ખતમ કરવા માટે નવા-નવા દાવાઓ કરવામાં આવી રહ્યા છે. હવે આ ક્રમમાં મેડાગાસ્કર ના રાષ્ટ્રપતિ એ હર્બલ ટી લોન્ચ કરી દાવો કર્યો છે કે તેનાથી કોરોનાવાયરસ સંપૂર્ણ રીતે ખતમ થઇ જશે.

મેડાગાસ્કરના રાષ્ટ્રપતિ એન્ડ્રી રાજોઅલીનએ આધિકારીક રીતે કોરોનાવાયરસના ઈલાજ માટે હર્બલ ટી લોન્ચ કરી છે. રાષ્ટ્રપતિએ પોતાના મંત્રીઓ,નેતાઓ અને પત્રકારો વચ્ચે ઇન્સ્ટિટ્યૂટ ઓફ એપ્લાઇડ રિસર્ચના એક કાર્યક્રમમાં કહ્યું કે આ નો ટેસ્ટ કરી લેવામાં આવ્યો છે અને તેનાથી બે લોકોનો સફળ ઇલાજ કરવામાં આવી ચૂક્યો છે.

તેમણે કહ્યું કે તમને દેખાડવા માટે હું આના ઉત્પાદકને સૌની સામે પી બતાવીશ, જેનાથી સાબિત થશે કે આ ઈલાજ કરે છે, મારતો નથી.