ગુજરાતમાં દારૂ ઘુસાડવાનો નવો પ્લાન લાવ્યા બુટલેગર, પોલીસે જોયું તો ચોંકી ગઈ

બુટલેગરો કોઇ પણ પરિસ્થિતિમાં કેન્દ્ર સાશિત પ્રદેશ દમણથી ગુજરાતમાં દારૂ લઇ આવવા અનેક આઇડિયા વાપરી રહ્યા છે. દમણ પોલીસને શુક્રવારે બાતમીના આધારે કલેરીયા સોમનાથ લાલજી-મુલજી ટ્રાંસપોર્ટ નજીકથી બિનવારસી હાલતમાં ટેમ્પો મળતા અંદરથી એચપી ગેસના બાટલાઓ મળી આવ્યા હતા. જેનું ચેકિંગ કરતા સિલિંડરના પાછળના ભાગે બનાવેલા ઢાંકણને ખોલતા અંદરથી દારૂનો જથ્થો મળી આવ્યો હતો. જે જોઇને હાજર પોલીસ કર્મીઓ પણ વિચારમાં પડી ગયા હતા.

હાલમાં ગુજરાતમાં દારૂબંધીની માગ ઉઠી છે. દારૂબંધી નીકળી જાય તો સરકારને કરોડો રૂપિયાની ટેક્સની કમાણી થઇ શકે છે અને દારૂ ના નામે અધિકારીઓ દ્વારા થતો ભ્રષ્ટાચાર પણ અટકી શકે છે. આ પહેલા પણ દુધના કેન હોય કે પછી ફળ ના ટોપલા મારફતે પણ દારૂ ની હેરફેર થતી પકડાઈ છે.