સ્વામિનારાયણ મંદિરમાં હાર્ટ એટેકનો LIVE વિડીયો: શ્રીજી ચરણમાં મસ્તક નમાવી બિલ્ડરે લીધા અંતિમ શ્વાસ

વડોદરા(ગુજરાત): તાજેતરમાં વડોદરામાંથી હાર્ટ એટેકનો એક ચોકાવનારો કિસ્સો સામે આવ્યો છે જેમાં વલસાડના બિલ્ડરનું હાર્ટ એટેકથી સ્વામિનારાયણ મંદિરમાં દર્શન કરતાં કરતાં જ મોત નીપજ્યું હતું. જાણવા મળ્યું છે કે, બિલ્ડરે મંદિરમાં દર્શન કરીને જેવું શીશ ઝૂકાવ્યું કે તરત જ હુમલો આવ્યો અને તેઓ ભગવાનના ધામમાં જ ઢળી પડ્યા હતા. હાર્ટ એટેકનો આ લાઇવ વીડિયો સોશિયલ મીડિયામાં સામે આવ્યો છે જેમાં બિલ્ડરનું કરૂણ મૃત્યુ કેદ થયું છે.

મળતી માહિતી મુજબ, વલસાડના બિલ્ડર જયંતી ખેલપ મંદિરમાં દર્શને આવ્યા હતા અને દર્શન કરતી વખતે જ ઢળી પડ્યા હતા. આ ઘટના એક અઠવાડિયા પહેલાંની હોવાનું સામે આવ્યું છે જેના સીસીટીવી આજે સામે આવ્યા છે. એક તરફ ભગવાન અને બીજી બાજુ મૃત્યુ આ બિલ્ડરે શ્રીજીચરણમાં જ શ્રીજીનું શરણ પામતા ભક્તોમાં ચકચાર મચી જવા પામ્યો હતો. બિલ્ડરના મોતના પગલે આસપાસ દર્શન કરી રહેલા ભક્તોમાં પણ ડરનો માહોલ છવાયો હતો.

જોકે, બિલ્ડરને પ્રાથમિક સારવાર મળે તે પહેલાં જ તેનું મોત નીપજ્યું હતું. જોકે, આ ઘટનાનો વીડિયો એક અઠવાડિયા બાદ સોશિયલ મીડિયામાં સામે આવતા હોબાળો મચી જવા પામ્યો છે. જોકે, વડોદરાના ક્યા મંદિરમાં તેમનું નિધન થયું તે અંગે હજુ સત્તાવાર પુષ્ટી થઈ નથી. જાણવા મળ્યું છે કે, હાર્ટ એટેક આવે ત્યારે દર્દીને હૉસ્પિટલે લઈ જતા પહેલાં મોટાભાગે તેને સીપીઆર આપનવામાં આવે છે. આ માટેની યોગ્ય મેથડનો તબીબી સલાબ મુજબ ઉપયોગ કરવો પડે.