સામાન્ય પાણી ભરવાના વિવાદમાં ખેલાયો ખૂની ખેલ- એક માસુમ દીકરાની હત્યા

મધ્યપ્રદેશના પન્ના જિલ્લા માંથી સનસનીખેજ ઘટના સામે આવી છે, જ્યાં બે પક્ષો વચ્ચે પાણી ભરવા ને લઈને થયેલા વિવાદમાં એક યુવકની ગોળી મારીને હત્યા કરવામાં આવી છે. ગોળી ચાલવાની જાણકારી મળતા વિસ્તારમાં હડકંપ મચી ગયો. ઉતાવળમાં યુવકને હોસ્પિટલમાં લઈ જવામાં આવી રહ્યો હતો , પરંતુ રસ્તામાં યુવકનું મૃત્યુ થઈ ગયું. પોલીસે કેસ નોંધી તપાસ શરૂ કરી દીધી છે.

આ મામલો પન્ના જિલ્લાના બ્રિજપુર પોલીસ સ્ટેશન અંતર્ગત પહાડીખેડા ગામનો છે. જ્યાં બે પક્ષોમાં પાણી ભરવા ને લઈને વિવાદ થઈ ગયો હતો. મળતી જાણકારી અનુસાર મૃતક હેન્ડ પંપ ઉપર પાણી ભરવા ગયો હતો. આના પહેલા બંને પક્ષો વચ્ચે વિવાદ થઈ ચૂક્યો હતો જેની ફરિયાદ પોલીસ સ્ટેશનમાં નોંધાવવામાં આવી હતી.

તેમજ જ્યારે બીજો પક્ષ બીજી વખત પાણી ભરવામાં માટે ગયો ત્યારે બીજી વખત વિવાદ થઈ ગયો. વિવાદ એટલો બધો વધી ગયો કે એક પક્ષના લોકોએ પોતાના પર કાબૂ ગુમાવી દીધો અને દેશી તમંચાથી યુવક પર ગોળી ચલાવી દીધી. જેમાં ૩૨ વર્ષીય યુવકની છાતીમાં ગોળી લાગી ગઈ અને યુવાન ગંભીર રીતે ઘાયલ થઈ ગયો. લોકોએ આ ઘટનાને પોલીસને જાણકારી આપી જાણકારી મળતા જ પોલીસ ઘટના સ્થળ પર પહોંચી.

ત્યારબાદ પોલીસ અને એમ્બ્યુલન્સની મદદથી ઘાયલ યુવકને જિલ્લા હોસ્પિટલ લઈ જવામાં આવ્યો, પરંતુ હોસ્પિટલ પહોંચે તે પહેલા રસ્તામાં યુવકનો જીવ ચાલ્યો ગયો.