બહેનના લવ મેરેજથી નારાજ મા-દીકરાએ ભેગા મળીને ગર્ભવતી બહેનનું માથું ધડથી અલગ કરી નાખ્યું

મહારાષ્ટ્ર(Maharashtra)માં ઓનર કિલિંગ(Honor killing)ની એક ઘટના સામે આવી છે. ઔરંગાબાદ(Aurangabad)ના વૈજાપુર(Vaijapur) તાલુકામાં એક યુવકે તેની માતા સાથે મળીને તેની ગર્ભવતી બહેનનું માથું કાપી નાખ્યું. ગુનો કર્યા બાદ આરોપી હથિયારો સાથે પોલીસ સ્ટેશન પહોંચ્યો હતો અને સરેન્ડર કર્યું હતું. આ નિવેદન બાદ પોલીસે તેની માતાની પણ ધરપકડ કરી છે. બહેનના પ્રેમ લગ્નથી મા-દીકરો બંને ગુસ્સામાં હતા.

આ ઘટના રવિવારે સાંજે લાડગાંવ શિવાર ગામમાં બની હતી. પોલીસના જણાવ્યા અનુસાર, આરોપી યુવકનું નામ સંકેત સંજય મોટે (ઉ.વ18) અને મહિલાનું નામ શોભા (ઉ.વ40) છે. તેઓએ સાથે મળીને 19 વર્ષીય કીર્તિ અવિનાશ થોરેની તીક્ષ્ણ હથિયાર વડે હત્યા કરી છે. સંકેત બહેન પર એટલો ગુસ્સે હતો કે, તેણે તેની હત્યા કર્યા બાદ તેનું માથું કાપી નાખ્યું.

આ રીતે સમગ્ર ઘટનાને આપવામાં આવ્યો અંજામ:
લાડગાંવ શિવારમાં 302 બસ્તીમાં રહેતા સંજય થોરેનો પુત્ર અવિનાશ કીર્તિ સાથે ઘરેથી ભાગી ગયો હતો અને આલંદીમાં પ્રેમ લગ્ન કર્યા હતા. કોર્ટ મેરેજ કર્યા બાદ બંને ખેત બસ્તી ગોઇગાંવમાં રહેવા લાગ્યા. કીર્તિના પરિવારના સભ્યો લગ્નથી ખુશ ન હતા. તેમ છતાં યુવતીના ભાઈ અને માતા તેના ઘરે આવવા લાગ્યા.

ભાઈએ તેને ત્યાં સુધી મારી જ્યાં સુધી તેનું માથું કપાઈ ન જાય:
પોલીસે વધુમાં જણાવ્યું કે, શરૂઆતમાં લોકોએ વિચાર્યું કે લગ્નને બધાની મંજુરી મળી ગઈ છે. જોકે, માતા-પિતાના મનમાં કંઈક બીજું જ ચાલી રહ્યું હતું. રવિવારે ભાઈ અને તેની માતા કીર્તિને મળવા આવ્યા હતા. ત્યારબાદ ઘરના લોકો ખેતરમાં કામ કરવા ગયા હતા. ઘરમાં કીર્તિ અને તેનો પતિ અવિનાશ એકલા જ હતા. અવિનાશની તબિયત બગડતી હોવાથી તે આડો પડ્યો હતો. પછી કીર્તિ ચા બનાવવા રસોડામાં ગઈ કે તરત માતા શોભા અને ભાઈ સંકેત પણ પાછળથી ગયા. રસોડામાં, સંકેતે કીર્તિના ગળા પર તીક્ષ્ણ હથિયાર વડે માર્યો જ્યાં સુધી તેનું માથું શરીરથી અલગ ન થઈ ગયું.