આંખના પલકારામાં ધરાશાયી થઇ ત્રણ માળની ઈમારત, 14 લોકો ફસાયા હોવાની આશંકા -જુઓ LIVE વિડીયો

મહારાષ્ટ્ર(Maharashtra): ભિવંડી(Bhiwandi) વિસ્તારમાં શનિવારે બપોરે અચાનક ત્રણ માળની ઈમારત ધરાશાયી(three storied building collapsed) થઈ ગઈ હતી. ઇમારત ધરાશાયી થયા બાદ તેના કાટમાળ નીચે 14 લોકો ફસાયા હોવાની આશંકા છે. બીજી તરફ ઘટનાની જાણ થતાં ફાયર બ્રિગેડ અને ડિઝાસ્ટર સહિત પોલીસની ટીમો ઘટનાસ્થળે હાજર છે.

આ ઘટના ભિવંડીના વાલપાડા વિસ્તારની છે. સ્થાનિક લોકોએ ફાયર વિભાગ અને ઈમરજન્સી વિભાગને ફોન કરીને અકસ્માતની જાણ કરી હતી. હાલ ફાયર બ્રિગેડની ટીમ અને NDRFની ટીમ, પોલીસ ઘટનાસ્થળે પહોંચી ગઈ છે. મળતી માહિતી મુજબ ઘટનાસ્થળે યુદ્ધના ધોરણે બચાવ કાર્ય શરૂ કરી દેવામાં આવ્યું છે.

Maharashtra | A building collapsed in Bhiwandi area. 10 people feared trapped. Police team including fire brigade and disaster left for the spot.

More details awaited. pic.twitter.com/xqdw2ULtXu

— ANI (@ANI) April 29, 2023

અહેવાલો અનુસાર, કૈલાસનગર (વાલપાડા)ના વર્ધમાન કમ્પાઉન્ડમાં આવેલી જી-2 બિલ્ડીંગ બપોરે 2 વાગે ધરાશાયી થઈ હતી. બિલ્ડિંગના બીજા માળે લગભગ ત્રણથી ચાર પરિવારો રહે છે. નીચેના માળે કામદારો કામ કરી રહ્યા હતા. આશંકા છે કે આ તમામ લોકો ઈમારતના કાટમાળ નીચે દટાયા છે.