ભરઉનાળે મુશળધાર વરસાદ પડતા ચારે તરફ થયો જળબંબાકાર, રસ્તાઓ પર પાણીમાં વહેવા લાગી ગાડીઓ- જુઓ વિડીયો

દેશના ઘણા વિસ્તારોમાં હવામાન બદલાઈ ગઈ છે. ઉત્તર ભારત (North India) ના ઘણા રાજ્યોમાં વાતાવરણ ખુશનુમા રહ્યું છે, પરંતુ તેલંગાણા (Telangana) માં વરસાદે સમસ્યા સર્જી છે. વરસાદના કારણે હૈદરાબાદ (Hyderabad) શહેર ફરી એકવાર પાણીમાં ગરકાવ થઈ ગયું છે. સવારથી પડેલા ભારે વરસાદને કારણે રસ્તાઓ અને નીચાણવાળા વિસ્તારોમાં પાણી ભરાયા હતા.

આ વરસાદ એટલો જોરદાર છે કે, રસ્તા પર ઉભેલા વાહનો પણ પાણીના વહેણમાં વહી ગયા અને રસ્તાઓ નદી બની ગયા છે. હૈદરાબાદની પદ્મ કોલોનીનો એક વીડિયો સામે આવ્યો છે, જેમાં જોઈ શકાય છે કે વરસાદ(rain)નું પાણી નદીની જેમ રસ્તા પર વહી રહ્યું છે અને તેજ પ્રવાહ સાથે નીચાણવાળા વિસ્તાર તરફ જઈ રહ્યું છે.

આ દરમિયાન રસ્તા પર ઉભેલા વાહનો પણ તેની લપેટમાં આવી ગયા છે. લોકોના ઘરોમાં વરસાદી પાણી ભરાયા છે. મધ્ય તેલંગાણાના સિદ્દીપેટ, યાદદ્રી-ભોંગીર, જાનગાંવ જેવા વિસ્તારોમાં ભારે વરસાદ થઈ રહ્યો છે.