March 16, 2025
Maharashtra Car Accident: મહારાષ્ટ્રના કોલ્હાપુરમાં શનિવારે વહેલી સવારે એક દુ:ખદ માર્ગ અકસ્માત થયો હતો, જ્યારે એક ઝડપી કાર નિયંત્રણ બહાર ગઈ (Maharashtra Car Accident) અને ઓછામાં ઓછા 10 વાહનો સાથે અથડાઈ. આ અકસ્માતમાં કાર ચાલકનું મોત થયું હતું. અકસ્માત થવા પાછળનું કારણ ડ્રાઇવરને થયેલો હૃદયરોગનો હુમલો હોવાનું કહેવાય છે.
કેવી રીતે થયો અકસ્માત?
મળતી માહિતી મુજબ, 55 વર્ષીય ધીરજ પાટિલ તેમની એમજી વિન્ડસર કાર ચલાવી રહ્યા હતા, આ દરમિયાન તેમને અચાનક જ હાર્ટ એટેક આવ્યો હતો, અને તેમણે પોતાની કાર પરથી કાબુ ગુમાવ્યો હતો. કાબુ ગુમાવ્યાની સાથે જ કાર બેકાબુ થઈ ગઈ હતી અને એક ઓટો-રિક્ષા, એક કાર, એક ટુ-વ્હીલર અને અન્ય ઘણા વાહનોને કારે ટક્કર મારી હતી.
પ્રત્યક્ષદર્શીઓના જણાવ્યા અનુસાર, ટક્કર એટલી ગંભીર હતી કે ઘણા વાહનોને ભારે નુકસાન થયું હતું. અકસ્માત બાદ વિસ્તારમાં અફડાતફડીનો માહોલ સર્જાયો હતો. નજીકના લોકો અને પોલીસ તાત્કાલિક ઘટનાસ્થળે પહોંચી ગયા હતા અને રાહત અને બચાવ કાર્ય શરૂ કર્યું હતું.
Trending News
અકસ્માતની ઘટના સીસીટીવીમાં થઈ હતી કેદ
આ ભયાનક અકસ્માતની સમગ્ર ઘટના સીસીટીવી કેમેરામાં કેદ થઈ હતી, જેમાં જોવા મળી રહ્યું છે કે એક ઝડપી આવતી કાર અચાનક અન્ય વાહનો સાથે અથડાઈ જાય છે. ટક્કર બાદ વાહનોનો કાટમાળ રસ્તા પર વિખેરાઈ ગયો હતો અને ઘણા લોકો બચી ગયા હતા.
#Maharashtra: A speeding car crashed into nine parked vehicles along the service road near Temblai Gate flyover in #Kolhapur city around 2 am on Saturday. The driver, Dheeraj Patil, a resident of Sadoli village, died in the incident. Police suspect he suffered a #heartattack⤵️ pic.twitter.com/0a7HSLL1HW
— Siraj Noorani (@sirajnoorani) March 15, 2025
પોસ્ટમોર્ટમ રિપોર્ટમાં થયો ખુલાસો
પોલીસે જણાવ્યું કે ધીરજ પાટિલ તેમની ઓફિસ તરફ જઈ રહ્યા હતા ત્યારે આ અકસ્માત થયો. પોસ્ટમોર્ટમ રિપોર્ટમાં પુષ્ટિ મળી છે કે અકસ્માત પહેલા તેમને હાર્ટ એટેક આવ્યો હતો, જેના કારણે તેમણે તેમની કાર પરથી કાબુ ગુમાવ્યો હતો. આ અકસ્માતમાં અન્ય કોઈ વ્યક્તિના મોત થયાના અહેવાલ નથી, પરંતુ ઘણા વાહન માલિકોને આર્થિક નુકસાન થયું છે.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App