‘પંજાબી સિંગર સિદ્ધુ મુસેવાલાની હત્યા થવાની છે’ એક અઠવાડિયા પહેલા જ આ વ્યક્તિને મળી હતી જાણકારી

પંજાબી સિંગર સિદ્ધુ મુસેવાલા(Sidhu Moose Wala)ના મર્ડર કેસ(Murder case)માં પોલીસ દરરોજ નવા ખુલાસા કરી રહી છે. સિદ્ધેશ કાંબલે(Siddhesh Kamble) ઉર્ફે મહાકાલ નામના ગુનેગારનો દાવો છે કે તેને એક અઠવાડિયા પહેલા જ ખબર પડી ગઈ હતી કે મુસેવાલાની હત્યા(Moose Wala Murder) થવાની છે. જણાવી દઈએ કે મહાકાલની પુણે પોલીસે ધરપકડ કરી હતી. થોડા દિવસો પહેલા તેણે કહ્યું હતું કે લોરેન્સ બિશ્નોઈ ગેંગે સલમાન ખાનને પબ્લિસિટી માટે ધમકી આપી હતી.

પુણે પોલીસ દ્વારા મુસેવાલાની હત્યાના એક અઠવાડિયા પછી મહાકાલની ધરપકડ કરવામાં આવી હતી. એવું કહેવામાં આવી રહ્યું છે કે મહાકાલ પણ લોરેન્સ બિશ્નોઈ ગેંગનો ગુનેગાર છે. સલમાન ખાનને ધમકી આપવાના કેસમાં મુંબઈ ક્રાઈમ બ્રાંચની પોલીસે તેની પૂછપરછ કરી છે. બીજી તરફ સિદ્ધુ મુસેવાલા હત્યા કેસમાં દિલ્હી પોલીસના સ્પેશિયલ સેલ અને પંજાબ પોલીસની ટીમે સવાલ-જવાબ કર્યા છે.

મહારાષ્ટ્ર પોલીસના એક વરિષ્ઠ અધિકારીએ જણાવ્યું છે કે, મહાકાલ આ હત્યાકાંડમાં સીધો સંડોવાયેલો ન હતો, પરંતુ અત્યાર સુધી મળેલી માહિતી અનુસાર તેને ખબર હતી કે મુસેવાલાની હત્યા થવા જઈ રહી છે. કારણ કે કેનેડાથી લોરેન્સ બિશ્નોઈ ગેંગ ચલાવી રહેલા વિક્રમ બ્રારે તેની સાથે મુસેવાલા વિશે ઘણી વખત વાત કરી હતી. પોલીસ અધિકારીએ કહ્યું કે, મહાકાલ મુસેવાલાની હત્યાની તારીખ એટલે કે 29 મેના એક અઠવાડિયા પહેલા વિક્રમ બરાડ સંપર્કમાં હતો.

એવું પણ જાણવા મળ્યું છે કે ગેંગ સાગરિતો સોશિયલ મીડિયાનો ઉપયોગ કરીને એકબીજા સાથે વાતચીત કરતા હતા અને એન્ક્રિપ્ટેડ મેસેજ એપનો ઉપયોગ કરતા હતા અને કોડવર્ડમાં વાત કરતા હતા જેથી એજન્સીઓ તેમની વાતચીત પકડી ન શકે. જણાવી દઈએ કે પુણે પોલીસની ટીમ લોરેન્સ બિશ્નોઈની પૂછપરછ કરવા માટે દિલ્હીમાં છે. પુણે પોલીસ બિશ્નોઈ પાસેથી સંતોષ જાધવની સુરાગ મેળવવા માંગે છે.