April 06, 2025
Surat Viral Video: સુરતના કાપોદ્રા વિસ્તારમાં બાળકોને રમવા બાબતે થઈ હોવાની વાતને લઈને મહિલાને ઘરમાં ઘૂસી એક વ્યક્તિએ ઢોર માર્યો હોવાની ઘટના (Surat Viral Video) સામે આવી છે. સોસાયટીમાં જ રહેતા વ્યક્તિ દ્વારા મહિલાના ઘરમાં ઘૂસી તેને વાળ ખેંચી અને ઢસડીને માર માર્યો હોવાની ઘટનાને લઈને કાપોદ્રા પોલીસ દ્વારા ગુનો દાખલ કરવામાં આવ્યો છે. બીજી તરફ આ ઘટનાના વીડિયો પણ સોશિયલ મીડિયામાં વાયરલ થઈ રહ્યા છે.
બાળકોને રમવા બાબતે થઈ બબાલ
સુરતના કાપોદ્રા પોલીસ સ્ટેશન હદ વિસ્તારમાં આવેલ પ્રભુદર્શન સોસાયટીમાં રસીલાબેન મકવાણા પોતાના પરિવાર સાથે રહે છે. રસીલાબેનનો દીકરો ઉદય, અક્ષિત નામના બાળક સાથે રમતો હતો. તે સમયે અક્ષિત અને ઉદયને કોઈ વાતને લઈને ઝઘડો થયો હતો. આ બાબતે અક્ષિતના માતા મયુરીબેન ઉદયના માતા રસીલાબેનને આ બાબતે ઠપકો આપવા માટે ગયા હતા. તે સમયે રસીલાબેન મકવાણા અને મયુરીબેન ખતરાણીને ઝઘડો થયો હતો અને મયુરીબેન રસીલાબેનને ધમકી આપીને ચાલ્યા ગયા હતા કે હવે હું મારા પતિને તમારા ઘરે મોકલુ છું.
મહિલાને ઘરમાં ઘૂસીને માર માર્યો
ત્યારબાદ મયુરીબેનનો પતિ બળદેવ ખતરાણી રસીલાબેનના ઘરે ગયો હતો અને બાળકોની માથાકૂટ ગંભીર સ્વરૂપે પહોંચી ગઈ હતી. મયુરીબેનના પતિ બળદેવ ખતરાણીએ રસીલાબેનને તેમના જ ઘરમાં ઘૂસીને વાળ પકડી તેમજ જમીન પર ઢસડીને માર માર્યો હતો અને અપશબ્દો પણ કહ્યા હતા. ઘરમાંથી બૂમાબૂમનો અવાજ આવતા આસપાસના સ્થાનિક લોકો ઘરમાં દોડી ગયા હતા અને લોકોએ નજરે જોયું હતું કે બળદેવ ખતરાણી રસીલાબેન મકવાણાને રૂમમાં ઢસેડીને માર મારી રહ્યો છે. તેથી લોકો દ્વારા રસીલાબેનને બચાવી લેવામાં આવ્યા હતા.
View this post on Instagram
Trending News
ત્યારબાદ લોકોએ આ બળદેવ ખતરાણીને પણ મેથીપાક ચખાડ્યો હતો અને બીજી તરફ રસીલાબેન મકવાણા દ્વારા સમગ્ર મામલે સુરતના કાપોદ્રા પોલીસ સ્ટેશનમાં ફરિયાદ નોંધાવવામાં આવી હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App