હોસ્પીટલમાં જગ્યા છે, ઓક્સીજન છે- તો આવા દ્રશ્યો કેમ સર્જાય રહ્યા છે?- જુઓ ક્યાં પત્નીએ તેના પતિને મોઢેથી દીધો શ્વાસ

કોરોના વાઈરસે આખા દેશને પોતાના ભરડામાં લીધું છે. ક્યાય ઓક્સીજન ઘટે છે તો ક્યાંક વેન્ટીલેટર, ક્યાંક દવાઓ નથી મળી રહી તો ક્યાંક બેડ જ નથી મળી રહ્યા. આવી કપરી પરિસ્થિતિનો સામનો કરતો ભારત દેશ હાલ ભગવાન ભરોશે જીવી રહ્યું છે. ઓક્સીજનના અભાવના કારણે દરરોજ ઘણા લોકો પોતાનો જીવ ગુમાવી રહ્યા છે.

ઓક્સિજનનો અભાવ લોકોને મોતના મુખમાં કેવી રીતે ધકેલી રહ્યું છે તેનું તાજુ ઉદાહરણ યુપીના આગ્રા શહેરમાં જોવા મળ્યું. કોરોના રોગચાળાની મુશ્કેલ પરિસ્થિતિને કારણે હોસ્પીટલમાં બેડ અને ઓક્સીજન ન મળતા પતિએ તેની પત્નીના ખોળામાં જ અંતિમ શ્વાસ લીધા હોવાની ઘટના સામે આવી છે. લાખ પ્રયત્નો કર્યા પછી પણ એક પત્ની પતિને બચાવી શકી નહીં અને પત્નીના ખોળામાં જ પતિનું મોત નીપજ્યું હતું. જેણે પણ આ દ્રશ્ય જોયું તે ભયભીત થઈ ગયું. આ દરમિયાન ત્યાં હાજર લોકોની આંખમાંથી આંસુ સારી પડ્યા હતા.

ઓક્સિજનના અભાવે પત્નીને એટલી લાચાર બનાવી દીધી કે, તેના મોંથી આપેલા શ્વાસ પણ પતિને બચાવી શક્યા નહીં. જ્યારે પતિને ઓક્સિજન ન મળ્યું, ત્યારે પત્નીએ તેના મોઢાથી શ્વાસ આપવાનો પ્રયાસ કર્યો. પરંતુ તે પ્રયાસ પણ નિરર્થક ગયો. ઓટો રિક્ષામાં બેસીને પોતાના મોઢાથી શ્વાસ આપતી આ મહિલાની તસવીરો પણ વાયરલ થઈ રહી છે.