કોરોના કેન્દ્ર અમદાવાદમાં તમામ પ્રકારના મનોરંજન પર પ્રતિબંધ હોવા છતાં નરેન્દ્ર મોદી સ્ટેડીયમમાં IPl ને મળી મંજુરી

ગુજરાત રાજ્યમાં કોરોનાના સંક્રમણમાં સતત વધારો થઈ રહ્યો છે અને વધારે પ્રમાણમાં લોકો આ કોરોનાના ભરડામાં આવી રહ્યા છે અને મૃત્યુ આંકમાં પણ સતત વધારો જોવા મળી રહ્યો છે જે એક ચિંતાજનક બાબત કહેવાય. ગુજરાત રાજ્યમાં અમદાવાદ શહેરમાં કોરોનાનું સંક્રમણ રોકેટ ગતિએ આગળ વધી રહ્યું છે. ત્યારે સરકારની બેધારી નીતિ સામે પ્રશ્નો ઉઠ્યા છે કારણકે અમદાવાદમાં કોરોનાનું વધુ પડતું સંક્રમણ હોવા છતાં પણ અમદાવાદમાં IPL મેચને રમવા માટે તંત્ર દ્વારા મંજુરી આપવામાં આવી છે.

નોંધનીય બાબત એ છે કે, ગુજરાતમાં કોરોનાએ પોતાનો આંતક મચાવ્યો છે. સતત વધી રહેલા કોરોનાના કેસ અને મૃત્યુઆંક ચિંતાજનક સપાટી પર પહોચ્યો છે ત્યારે આ કોરોનાના વધી રહેલા સંક્રમણ વચ્ચે આજથી અમદાવાદ શહેરમાં IPL મેચનો પ્રારંભ થઈ રહ્યો છે.

અમદાવાદ શહેરમાં મોટેરા સ્થિત આવેલા નરેન્દ્ર મોદી સ્ટેડીયમ ખાતે આજે કલકતા અને પંજાબની ટીમ વચ્ચે ટી-20 ક્રિકેટ મેચ રમાશે. તમામ પ્રકારના મનોરંજન પર પ્રતિબંધ હોવા છતાં ક્રિકેટને મંજુરી આપવામાં આવતા સરકારની આ રાજનીતિ સામે અનેક સવાલો ઉઠ્યા છે.

રાજ્યમાં કોરોનાના કેસમાં ઉછાળો નોંધાતા અમદાવાદમાં રાત્રે 8 વાગ્યાથી રાત્રિ કર્ફ્યૂની જાહેરાત કરવામાં આવી છે. પરંતુ બંન્ને ટીમના સ્ટાફ અને બ્રોડકાસ્ટને ખાસ મંજૂરી આપવામાં આવી છે. તો કર્ફ્યૂ છતાં 500થી વધુ સભ્યોને કાફલો આવન-જાવન કરી શકશે. સાથે જ બંન્ને ટિમના સભ્યોને પણ આવવા જવાની ખાસ મંજૂરી અપાઇ છે.