બોયફ્રેન્ડે પ્રેમિકાની બીમાર માતાને આપી દીધી પોતાની કીડની, ઓપરેશન થતા જ પ્રેમિકા બીજા સાથે પરણી ગઈ

કહેવાય છે કે પ્રેમમાં ડૂબેલી વ્યક્તિ કંઈ પણ કરી શકે છે. આનું તાજેતરનું ઉદાહરણ મેક્સિકોમાંથી સામે આવ્યું છે. કથિત રીતે અહીં એક પ્રેમીએ પોતાની પ્રેમિકાની માતાનો જીવ બચાવવા માટે પોતાની કિડની દાનમાં આપી દીધી હતી. બદલામાં તેને તેની ગર્લફ્રેન્ડ તરફથી જીવનભરનો સાથ અને પ્રેમ મળવો જોઈતો હતો. પરંતુ તે બન્યું નહીં. માતાની સારવારના એક મહિના બાદ જ યુવતીએ અન્ય કોઈ સાથે લગ્ન કર્યા હતા.

મીડિયા રિપોર્ટ્સ અનુસાર, પ્રેમમાં છેતરાયેલા આ વ્યક્તિનું નામ ઉજીએલ માર્ટિનેઝ છે. ઉજીએલ  વ્યવસાયે શિક્ષક છે અને તે મેક્સિકોનો છે. ટિકટોક પર પોતાની સ્ટોરી શેર કરતાં તેણે પોતાનું દર્દ વ્યક્ત કર્યું છે. તેણે જણાવ્યું કે તેણે તેની ગર્લફ્રેન્ડની માતાને તેની કિડની કેવી રીતે દાન કરી અને કેવી રીતે તેની સાથે છેતરપિંડી થઈ. તેણે ટિકટોક પર પોતાનો એક વીડિયો પણ શેર કર્યો છે, જેમાં તે ખૂબ જ ઉદાસ દેખાઈ રહ્યો છે. આ પ્રેમને તમે શું નામ આપશો?