November 24, 2024
Manu Bhaker: ભારતના મનુ ભાકર અને સરબજોત સિંહે ઓહ યે જીન અને લી વોન્હોને હરાવીને 10 મીટર એર પિસ્તોલ મિશ્રિત ટીમ ઈવેન્ટમાં બ્રોન્ઝ મેડલ જીત્યો(Manu Bhaker) હતો. બંનેએ આ મેચ 16-10થી જીતી હતી.મનુ ભાકરે પેરિસ ઓલિમ્પિકમાં ઈતિહાસ રચ્યો છે. ભારતને વધુ એક મેડલ જીતાડ્યો છે.
આ સાથે ભારતના મેડલની સંખ્યા વધીને 2 થઈ ગઈ છે. મનુ ભાકર એક જ ઓલિમ્પિકમાં બે મેડલ જીતનારી પ્રથમ ભારતીય એથ્લેટ પણ બની ગઈ છે. મનુ ભાકરે તેના પાર્ટનર સરબજોત સિંહ સાથે મળીને ભારત માટે બીજો મેડલ જીત્યો. 10 મીટર એર પિસ્તોલ મિક્સ્ડ ટીમ ઈવેન્ટની બ્રોન્ઝ મેડલ મેચમાં મનુ અને સરબજોતે કોરિયન જોડીને 16-10થી પરાજય આપ્યો હતો.
એક જ ઓલિમ્પિકમાં 2 મેડલ જીતનારી મનુ પ્રથમ ભારતીય છે
આ પહેલા મનુ ભાકરે 28 જુલાઈએ પેરિસ ઓલિમ્પિકમાં 10 મીટર એર પિસ્તોલની સિંગલ્સ ઈવેન્ટમાં પણ બ્રોન્ઝ મેડલ પર નિશાન સાધ્યું હતું. પેરિસમાં પ્રથમ બ્રોન્ઝ જીતીને મનુએ મેડલ ટેલીમાં ભારતનું ખાતું ખોલાવ્યું હતું. અને હવે, પેરિસમાં તેની પ્રથમ સફળતાના 48 કલાક પછી, મનુ ભાકરે વધુ એક બ્રોન્ઝ જીતીને ઇતિહાસ રચ્યો છે.
Trending News
પેરિસ ઓલિમ્પિકમાં ભારત માટે મેડલનું ખાતું ખોલ્યું
મનુ ભાકર પેરિસમાં તેની બીજી ઓલિમ્પિક રમી રહી છે. અગાઉ, જ્યારે તેણે ટોક્યોમાં ઓલિમ્પિકમાં પ્રવેશ કર્યો હતો, ત્યારે તેને ત્યાંથી ખાલી હાથે પરત ફરવું પડ્યું હતું. ટોક્યોમાં મનુ ભાકરની નિષ્ફળતાનું કારણ તેની નબળી રમત નહીં પરંતુ પિસ્તોલમાં ટેકનિકલ ખામી હતી. ટોક્યોમાં નિષ્ફળતા બાદ મનુને ઘણી ટીકાઓનો સામનો કરવો પડ્યો હતો. પરંતુ, સારી વાત એ છે કે મનુ ભાકર પેરિસથી ખાલી હાથ પાછા આવી રહી નથી. પોતાની સાથે તેણે પેરિસ ઓલિમ્પિકમાં ભારત માટે મેડલનું ખાતું પણ ખોલ્યું છે.
BRONZE MEDAL!!!!!
Incredible shooting from Manu Bhaker and Sarabjot Singh to win us our Second medal at @paris2024 Olympic Games. With this Manu also becomes the first Indian athlete to win 2 Olympic Medals in a single edition! #JeetKaJashn | #Cheer4Bharat | #IndiaAtParis24 pic.twitter.com/C6rIy3hNIj— Team India (@WeAreTeamIndia) July 30, 2024
પીએમ મોદીએ શુભકામના પાઠવી
ભારતના મનુ ભાકર અને સરબજોત સિંહે પેરિસ ઓલિમ્પિકમાં બ્રોન્ઝ મેડલ જીતતા વડાપ્રધાન નરેન્દ્ર મોદીએ બંન્નેને શુભકામના પાઠવી છે.આઝાદ ભારતના કોઈપણ એથ્લિટ અગાઉ એક જ ઓલિમ્પિકમાં બે મેડલ જીત્યા ન હતા. મનુએ પોતાના પરિવાર અને દેશવાસીઓને ગૌરવ અપાવ્યું છે. તે શૂટિંગની વ્યક્તિગત 10 મીટર એર પિસ્તોલ ઇવેન્ટમાં પણ મેડલ જીતનાર એકમાત્ર મહિલા બની હતી.
- ગુગલ ન્યુઝમાં Trishul News Gujarati ની અપડેટ મેળવવા ક્લિક કરો: Trishul News Gujarati
- નીચે આપેલી લીંક પર ક્લિક કરીને જોડાઓ ત્રિશુલ ન્યૂઝ Trishul News સાથે.
- વોટ્સેપ પર સમાચાર મેળવવા અહીં ક્લિક કરીને Hi લખી મેસેજ કરો.
- યુટ્યુબ ચેનલ સબસ્ક્રાઈબ કરીને જોતા રહો વિડીયો ન્યુઝ: Trishul News YouTube
- એન્ડ્રોઇડ એપ ડાઉનલોડ કરો: Trishul News Gujarati Android App આઈફોન માટે એપ ડાઉનલોડ કરો: Trishul News Gujarati iPhone App