હવામાન નિષ્ણાંત અંબાલાલ પટેલની વધુ એક મોટી આગાહી- કાળઝાળ ગરમી વચ્ચે આ શહેરોમાં પડશે સિઝનનું જોરદાર માવઠું

Prediction of Ambalala Patel in Gujarat: રાજ્યમાં આવનાર દિવસોમાં માવઠાની આગાહી કરવામાં આવી રહી છે. ત્યારે હવામાન શાસ્ત્રી અંબાલાલ પટેલ દ્વારા આવનાર સમયમાં મધ્ય ગુજરાતમાં (Prediction of Ambalala Patel in Gujarat) તાપમાનનો પારો વધવાની આગાહી કરવામાં આવી રહી છે.

ઉત્તર ગુજરાત અને સૌરાષ્ટ્રનાં ભાગોમાં ગરમી વધવાની આગાહી
હવામાન શાસ્ત્રી અંબાલાલ પટેલે તારીખ 9 એપ્રિલથી રાજ્યમાં ગરમીનો પારો વધવાની આગાહી કરવામાં આવી છે. તેમજ મધ્ય ગુજરાતમાં તાપમાનનો પારો 42 ડિગ્રીને પાર જવાની આગાહી કરી છે. અમદાવાદ અને ગાંધીનગર સહિત ઉત્તર ગુજરાત અને સૌરાષ્ટ્રનાં ભાગોમાં ગરમી વધવાની આગાહી કરવામાં આવી છે.

તારીખ 12 થી 18 એપ્રિલથી રાજ્યમાં માવઠું થવાની આગાહી કરવામાં આવી છે. માવઠાને કારણે ગરમીમાં ઘટાડો થવાનું જણાવ્યું હતું. 20 એપ્રિલ બાદ રાજ્યમાં ફરીથી આકરી ગરમી પડવાની આગાહી અંબાલાલ પટેલે કરી છે. 26 એપ્રિલ સુધીમાં રાજ્યમાં ગરમીનો પાર 43 ડિગ્રી સુધી પહોંચવાની પણ આગાહી કરી છે.

ગુજરાતમાં 38 ડિગ્રીથી નીચે તાપમાન જતું રહ્યું
મળતી માહિતી અનુસાર, વેસ્ટર્ન ડિસ્ટર્બન્સ અપ્રોચ કરી રહ્યું હોવાથી તાપમાનમાં પણ ઘટાડો જોવા મળી રહ્યો છે. વિગતો અનુસાર, માર્ચ મહિનાના ત્રીજા અને ચોથા સપ્તાહમાં ગુજરાતના કેટલાક જિલ્લાનું મહત્તમ તાપમાન 40 ડિગ્રીથી ઉપર પહોંચ્યું હતું. પરંતુ હાલમાં એપ્રિલ મહિનામાં જ્યારે ગરમીનું પ્રમાણ વધારે હોવું જોઈએ તે દરમિયાન વેસ્ટર્ન ડિસ્ટર્બન્સ અપ્રોચ કરી રહ્યું હોવાથી મહત્તમ તાપમાન 38 ડિગ્રી સેલ્સિયસથી પણ નીચે પહોંચ્યું છે. આવનાર એક સપ્તાહ બાદ વેસ્ટર્ન ડિસ્ટર્બન્સની અસર પૂર્ણ થતા ફરી એકવાર પારો ઊંચકાઈ શકે છે. પરંતુ હાલમાં તો રાજ્ય પરનું મહત્તમ તાપમાન ફોલિંગ ટેન્ડન્સીમાં રહેશે.